श्री गणेशाय नमः श्री जानकी वल्लभो विजयते श्री रामचरित मानस पंचम सोपान सुन्दरकाण्ड श्लोक
शान्तं शाश्वतमप्रमेयमनघं निर्वाणशान्तिप्रदं।ब्रह्माशम्भुफणीन्द्रसेव्यमनिशं वेदान्तवेद्यं विभुम्॥
रामाख्यं जगदीश्वरं सुरगुरुं मायामनुष्यं हरिं।वन्देऽहं करुणाकरं रघुवरं भूपालचूडामणिम्॥१॥
नान्या स्पृहा रघुपते हृदयेऽस्मदीये |सत्यं वदामि च भवानखिलान्तरात्मा॥
भक्तिं प्रयच्छ रघुपुंगव निर्भरां मे।कामादिदोषरहितं कुरु मानसं च॥२॥
अतुलितबलधामं हेमशैलाभदेहं।दनुजवनकृशानुं ज्ञानिनामग्रगण्यम्॥
सकलगुणनिधानं वानराणामधीशं।रघुपतिप्रियभक्तं वातजातं नमामि॥३॥
जामवंत के बचन सुहाए। सुनि हनुमंत हृदय अति भाए।।
तब लगि मोहि परिखेहु तुम्ह भाई। सहि दुख कंद मूल फल खाई।।
जब लगि आवौं सीतहि देखी। होइहि काजु मोहि हरष बिसेषी।।
यह कहि नाइ सबन्हि कहुँ माथा। चलेउ हरषि हियँ धरि रघुनाथा।।
सिंधु तीर एक भूधर सुंदर। कौतुक कूदि चढ़ेउ ता ऊपर।।
बार बार रघुबीर सँभारी। तरकेउ पवनतनय बल भारी।।
जेहिं गिरि चरन देइ हनुमंता। चलेउ सो गा पाताल तुरंता।।
जिमि अमोघ रघुपति कर बाना। एही भाँति चलेउ हनुमाना।।
जलनिधि रघुपति दूत बिचारी। तैं मैनाक होहि श्रमहारी।।
दो0- हनूमान तेहि परसा कर पुनि कीन्ह प्रनाम।
राम काजु कीन्हें बिनु मोहि कहाँ बिश्राम।।1।।
जात पवनसुत देवन्ह देखा। जानैं कहुँ बल बुद्धि बिसेषा।।
सुरसा नाम अहिन्ह कै माता। पठइन्हि आइ कही तेहिं बाता।।
आजु सुरन्ह मोहि दीन्ह अहारा। सुनत बचन कह पवनकुमारा।।
राम काजु करि फिरि मैं आवौं। सीता कइ सुधि प्रभुहि सुनावौं।।
तब तव बदन पैठिहउँ आई। सत्य कहउँ मोहि जान दे माई।।
कबनेहुँ जतन देइ नहिं जाना। ग्रससि न मोहि कहेउ हनुमाना।।
जोजन भरि तेहिं बदनु पसारा। कपि तनु कीन्ह दुगुन बिस्तारा।।
सोरह जोजन मुख तेहिं ठयऊ। तुरत पवनसुत बत्तिस भयऊ।।
जस जस सुरसा बदनु बढ़ावा। तासु दून कपि रूप देखावा।।
सत जोजन तेहिं आनन कीन्हा। अति लघु रूप पवनसुत लीन्हा।।
बदन पइठि पुनि बाहेर आवा। मागा बिदा ताहि सिरु नावा।।
मोहि सुरन्ह जेहि लागि पठावा। बुधि बल मरमु तोर मै पावा।।
दो0-राम काजु सबु करिहहु तुम्ह बल बुद्धि निधान।
आसिष देह गई सो हरषि चलेउ हनुमान।।2।।
निसिचरि एक सिंधु महुँ रहई। करि माया नभु के खग गहई।।
जीव जंतु जे गगन उड़ाहीं। जल बिलोकि तिन्ह कै परिछाहीं।।
गहइ छाहँ सक सो न उड़ाई। एहि बिधि सदा गगनचर खाई।।
सोइ छल हनूमान कहँ कीन्हा। तासु कपटु कपि तुरतहिं चीन्हा।।
ताहि मारि मारुतसुत बीरा। बारिधि पार गयउ मतिधीरा।।
तहाँ जाइ देखी बन सोभा। गुंजत चंचरीक मधु लोभा।।
नाना तरु फल फूल सुहाए। खग मृग बृंद देखि मन भाए।।
सैल बिसाल देखि एक आगें। ता पर धाइ चढेउ भय त्यागें।।
उमा न कछु कपि कै अधिकाई। प्रभु प्रताप जो कालहि खाई।।
गिरि पर चढि लंका तेहिं देखी। कहि न जाइ अति दुर्ग बिसेषी।।
अति उतंग जलनिधि चहु पासा। कनक कोट कर परम प्रकासा।।
छं=कनक कोट बिचित्र मनि कृत सुंदरायतना घना।
चउहट्ट हट्ट सुबट्ट बीथीं चारु पुर बहु बिधि बना।।
गज बाजि खच्चर निकर पदचर रथ बरूथिन्ह को गनै।।
बहुरूप निसिचर जूथ अतिबल सेन बरनत नहिं बनै।।1।।
बन बाग उपबन बाटिका सर कूप बापीं सोहहीं।
नर नाग सुर गंधर्ब कन्या रूप मुनि मन मोहहीं।।
कहुँ माल देह बिसाल सैल समान अतिबल गर्जहीं।
नाना अखारेन्ह भिरहिं बहु बिधि एक एकन्ह तर्जहीं।।2।।
करि जतन भट कोटिन्ह बिकट तन नगर चहुँ दिसि रच्छहीं।
कहुँ महिष मानषु धेनु खर अज खल निसाचर भच्छहीं।।
एहि लागि तुलसीदास इन्ह की कथा कछु एक है कही।
रघुबीर सर तीरथ सरीरन्हि त्यागि गति पैहहिं सही।।3।।
दो0-पुर रखवारे देखि बहु कपि मन कीन्ह बिचार।
अति लघु रूप धरौं निसि नगर करौं पइसार।।3।।
मसक समान रूप कपि धरी। लंकहि चलेउ सुमिरि नरहरी।।
नाम लंकिनी एक निसिचरी। सो कह चलेसि मोहि निंदरी।।
जानेहि नहीं मरमु सठ मोरा। मोर अहार जहाँ लगि चोरा।।
मुठिका एक महा कपि हनी। रुधिर बमत धरनीं ढनमनी।।
पुनि संभारि उठि सो लंका। जोरि पानि कर बिनय संसका।।
जब रावनहि ब्रह्म बर दीन्हा। चलत बिरंचि कहा मोहि चीन्हा।।
बिकल होसि तैं कपि कें मारे। तब जानेसु निसिचर संघारे।।
तात मोर अति पुन्य बहूता। देखेउँ नयन राम कर दूता।।
दो0-तात स्वर्ग अपबर्ग सुख धरिअ तुला एक अंग।
तूल न ताहि सकल मिलि जो सुख लव सतसंग।।4।।
प्रबिसि नगर कीजे सब काजा। हृदयँ राखि कौसलपुर राजा।।
गरल सुधा रिपु करहिं मिताई। गोपद सिंधु अनल सितलाई।।
गरुड़ सुमेरु रेनू सम ताही। राम कृपा करि चितवा जाही।।
अति लघु रूप धरेउ हनुमाना। पैठा नगर सुमिरि भगवाना।।
मंदिर मंदिर प्रति करि सोधा। देखे जहँ तहँ अगनित जोधा।।
गयउ दसानन मंदिर माहीं। अति बिचित्र कहि जात सो नाहीं।।
सयन किए देखा कपि तेही। मंदिर महुँ न दीखि बैदेही।।
भवन एक पुनि दीख सुहावा। हरि मंदिर तहँ भिन्न बनावा।।
दो0-रामायुध अंकित गृह सोभा बरनि न जाइ।
नव तुलसिका बृंद तहँ देखि हरषि कपिराइ।।5।।
लंका निसिचर निकर निवासा। इहाँ कहाँ सज्जन कर बासा।।
मन महुँ तरक करै कपि लागा। तेहीं समय बिभीषनु जागा।।
राम राम तेहिं सुमिरन कीन्हा। हृदयँ हरष कपि सज्जन चीन्हा।।
एहि सन हठि करिहउँ पहिचानी। साधु ते होइ न कारज हानी।।
बिप्र रुप धरि बचन सुनाए। सुनत बिभीषण उठि तहँ आए।।
करि प्रनाम पूँछी कुसलाई। बिप्र कहहु निज कथा बुझाई।।
की तुम्ह हरि दासन्ह महँ कोई। मोरें हृदय प्रीति अति होई।।
की तुम्ह रामु दीन अनुरागी। आयहु मोहि करन बड़भागी।।
दो0-तब हनुमंत कही सब राम कथा निज नाम।
सुनत जुगल तन पुलक मन मगन सुमिरि गुन ग्राम।।6।।
सुनहु पवनसुत रहनि हमारी। जिमि दसनन्हि महुँ जीभ बिचारी।।
तात कबहुँ मोहि जानि अनाथा। करिहहिं कृपा भानुकुल नाथा।।
तामस तनु कछु साधन नाहीं। प्रीति न पद सरोज मन माहीं।।
अब मोहि भा भरोस हनुमंता। बिनु हरिकृपा मिलहिं नहिं संता।।
जौ रघुबीर अनुग्रह कीन्हा। तौ तुम्ह मोहि दरसु हठि दीन्हा।।
सुनहु बिभीषन प्रभु कै रीती। करहिं सदा सेवक पर प्रीती।।
कहहु कवन मैं परम कुलीना। कपि चंचल सबहीं बिधि हीना।।
प्रात लेइ जो नाम हमारा। तेहि दिन ताहि न मिलै अहारा।।
दो0-अस मैं अधम सखा सुनु मोहू पर रघुबीर।
कीन्ही कृपा सुमिरि गुन भरे बिलोचन नीर।।7।।
जानतहूँ अस स्वामि बिसारी। फिरहिं ते काहे न होहिं दुखारी।।
एहि बिधि कहत राम गुन ग्रामा। पावा अनिर्बाच्य बिश्रामा।।
पुनि सब कथा बिभीषन कही। जेहि बिधि जनकसुता तहँ रही।।
तब हनुमंत कहा सुनु भ्राता। देखी चहउँ जानकी माता।।
जुगुति बिभीषन सकल सुनाई। चलेउ पवनसुत बिदा कराई।।
करि सोइ रूप गयउ पुनि तहवाँ। बन असोक सीता रह जहवाँ।।
देखि मनहि महुँ कीन्ह प्रनामा। बैठेहिं बीति जात निसि जामा।।
कृस तन सीस जटा एक बेनी। जपति हृदयँ रघुपति गुन श्रेनी।।
दो0-निज पद नयन दिएँ मन राम पद कमल लीन।
परम दुखी भा पवनसुत देखि जानकी दीन।।8।।
तरु पल्लव महुँ रहा लुकाई। करइ बिचार करौं का भाई।।
तेहि अवसर रावनु तहँ आवा। संग नारि बहु किएँ बनावा।।
बहु बिधि खल सीतहि समुझावा। साम दान भय भेद देखावा।।
कह रावनु सुनु सुमुखि सयानी। मंदोदरी आदि सब रानी।।
तव अनुचरीं करउँ पन मोरा। एक बार बिलोकु मम ओरा।।
तृन धरि ओट कहति बैदेही। सुमिरि अवधपति परम सनेही।।
सुनु दसमुख खद्योत प्रकासा। कबहुँ कि नलिनी करइ बिकासा।।
अस मन समुझु कहति जानकी। खल सुधि नहिं रघुबीर बान की।।
सठ सूने हरि आनेहि मोहि। अधम निलज्ज लाज नहिं तोही।।
दो0- आपुहि सुनि खद्योत सम रामहि भानु समान।
परुष बचन सुनि काढ़ि असि बोला अति खिसिआन।।9।।
सीता तैं मम कृत अपमाना। कटिहउँ तव सिर कठिन कृपाना।।
नाहिं त सपदि मानु मम बानी। सुमुखि होति न त जीवन हानी।।
स्याम सरोज दाम सम सुंदर। प्रभु भुज करि कर सम दसकंधर।।
सो भुज कंठ कि तव असि घोरा। सुनु सठ अस प्रवान पन मोरा।।
चंद्रहास हरु मम परितापं। रघुपति बिरह अनल संजातं।।
सीतल निसित बहसि बर धारा। कह सीता हरु मम दुख भारा।।
सुनत बचन पुनि मारन धावा। मयतनयाँ कहि नीति बुझावा।।
कहेसि सकल निसिचरिन्ह बोलाई। सीतहि बहु बिधि त्रासहु जाई।।
मास दिवस महुँ कहा न माना। तौ मैं मारबि काढ़ि कृपाना।।
दो0-भवन गयउ दसकंधर इहाँ पिसाचिनि बृंद।
सीतहि त्रास देखावहि धरहिं रूप बहु मंद।।10।।
त्रिजटा नाम राच्छसी एका। राम चरन रति निपुन बिबेका।।
सबन्हौ बोलि सुनाएसि सपना। सीतहि सेइ करहु हित अपना।।
सपनें बानर लंका जारी। जातुधान सेना सब मारी।।
खर आरूढ़ नगन दससीसा। मुंडित सिर खंडित भुज बीसा।।
एहि बिधि सो दच्छिन दिसि जाई। लंका मनहुँ बिभीषन पाई।।
नगर फिरी रघुबीर दोहाई। तब प्रभु सीता बोलि पठाई।।
यह सपना में कहउँ पुकारी। होइहि सत्य गएँ दिन चारी।।
तासु बचन सुनि ते सब डरीं। जनकसुता के चरनन्हि परीं।।
दो0-जहँ तहँ गईं सकल तब सीता कर मन सोच।
मास दिवस बीतें मोहि मारिहि निसिचर पोच।।11।।
त्रिजटा सन बोली कर जोरी। मातु बिपति संगिनि तैं मोरी।।
तजौं देह करु बेगि उपाई। दुसहु बिरहु अब नहिं सहि जाई।।
आनि काठ रचु चिता बनाई। मातु अनल पुनि देहि लगाई।।
सत्य करहि मम प्रीति सयानी। सुनै को श्रवन सूल सम बानी।।
सुनत बचन पद गहि समुझाएसि। प्रभु प्रताप बल सुजसु सुनाएसि।।
निसि न अनल मिल सुनु सुकुमारी। अस कहि सो निज भवन सिधारी।।
कह सीता बिधि भा प्रतिकूला। मिलहि न पावक मिटिहि न सूला।।
देखिअत प्रगट गगन अंगारा। अवनि न आवत एकउ तारा।।
पावकमय ससि स्त्रवत न आगी। मानहुँ मोहि जानि हतभागी।।
सुनहि बिनय मम बिटप असोका। सत्य नाम करु हरु मम सोका।।
नूतन किसलय अनल समाना। देहि अगिनि जनि करहि निदाना।।
देखि परम बिरहाकुल सीता। सो छन कपिहि कलप सम बीता।।
सो0-कपि करि हृदयँ बिचार दीन्हि मुद्रिका डारी तब।
जनु असोक अंगार दीन्हि हरषि उठि कर गहेउ।।12।।
तब देखी मुद्रिका मनोहर। राम नाम अंकित अति सुंदर।।
चकित चितव मुदरी पहिचानी। हरष बिषाद हृदयँ अकुलानी।।
जीति को सकइ अजय रघुराई। माया तें असि रचि नहिं जाई।।
सीता मन बिचार कर नाना। मधुर बचन बोलेउ हनुमाना।।
रामचंद्र गुन बरनैं लागा। सुनतहिं सीता कर दुख भागा।।
लागीं सुनैं श्रवन मन लाई। आदिहु तें सब कथा सुनाई।।
श्रवनामृत जेहिं कथा सुहाई। कहि सो प्रगट होति किन भाई।।
तब हनुमंत निकट चलि गयऊ। फिरि बैंठीं मन बिसमय भयऊ।।
राम दूत मैं मातु जानकी। सत्य सपथ करुनानिधान की।।
यह मुद्रिका मातु मैं आनी। दीन्हि राम तुम्ह कहँ सहिदानी।।
नर बानरहि संग कहु कैसें। कहि कथा भइ संगति जैसें।।
दो0-कपि के बचन सप्रेम सुनि उपजा मन बिस्वास।।
जाना मन क्रम बचन यह कृपासिंधु कर दास।।13।।
हरिजन जानि प्रीति अति गाढ़ी। सजल नयन पुलकावलि बाढ़ी।।
बूड़त बिरह जलधि हनुमाना। भयउ तात मों कहुँ जलजाना।।
अब कहु कुसल जाउँ बलिहारी। अनुज सहित सुख भवन खरारी।।
कोमलचित कृपाल रघुराई। कपि केहि हेतु धरी निठुराई।।
सहज बानि सेवक सुख दायक। कबहुँक सुरति करत रघुनायक।।
कबहुँ नयन मम सीतल ताता। होइहहि निरखि स्याम मृदु गाता।।
बचनु न आव नयन भरे बारी। अहह नाथ हौं निपट बिसारी।।
देखि परम बिरहाकुल सीता। बोला कपि मृदु बचन बिनीता।।
मातु कुसल प्रभु अनुज समेता। तव दुख दुखी सुकृपा निकेता।।
जनि जननी मानहु जियँ ऊना। तुम्ह ते प्रेमु राम कें दूना।।
दो0-रघुपति कर संदेसु अब सुनु जननी धरि धीर।
अस कहि कपि गद गद भयउ भरे बिलोचन नीर।।14।।
कहेउ राम बियोग तव सीता। मो कहुँ सकल भए बिपरीता।।
नव तरु किसलय मनहुँ कृसानू। कालनिसा सम निसि ससि भानू।।
कुबलय बिपिन कुंत बन सरिसा। बारिद तपत तेल जनु बरिसा।।
जे हित रहे करत तेइ पीरा। उरग स्वास सम त्रिबिध समीरा।।
कहेहू तें कछु दुख घटि होई। काहि कहौं यह जान न कोई।।
तत्व प्रेम कर मम अरु तोरा। जानत प्रिया एकु मनु मोरा।।
सो मनु सदा रहत तोहि पाहीं। जानु प्रीति रसु एतेनहि माहीं।।
प्रभु संदेसु सुनत बैदेही। मगन प्रेम तन सुधि नहिं तेही।।
कह कपि हृदयँ धीर धरु माता। सुमिरु राम सेवक सुखदाता।।
उर आनहु रघुपति प्रभुताई। सुनि मम बचन तजहु कदराई।।
दो0-निसिचर निकर पतंग सम रघुपति बान कृसानु।
जननी हृदयँ धीर धरु जरे निसाचर जानु।।15।।
जौं रघुबीर होति सुधि पाई। करते नहिं बिलंबु रघुराई।।
रामबान रबि उएँ जानकी। तम बरूथ कहँ जातुधान की।।
अबहिं मातु मैं जाउँ लवाई। प्रभु आयसु नहिं राम दोहाई।।
कछुक दिवस जननी धरु धीरा। कपिन्ह सहित अइहहिं रघुबीरा।।
निसिचर मारि तोहि लै जैहहिं। तिहुँ पुर नारदादि जसु गैहहिं।।
हैं सुत कपि सब तुम्हहि समाना। जातुधान अति भट बलवाना।।
मोरें हृदय परम संदेहा। सुनि कपि प्रगट कीन्ह निज देहा।।
कनक भूधराकार सरीरा। समर भयंकर अतिबल बीरा।।
सीता मन भरोस तब भयऊ। पुनि लघु रूप पवनसुत लयऊ।।
दो0-सुनु माता साखामृग नहिं बल बुद्धि बिसाल।
प्रभु प्रताप तें गरुड़हि खाइ परम लघु ब्याल।।16।।
मन संतोष सुनत कपि बानी। भगति प्रताप तेज बल सानी।।
आसिष दीन्हि रामप्रिय जाना। होहु तात बल सील निधाना।।
अजर अमर गुननिधि सुत होहू। करहुँ बहुत रघुनायक छोहू।।
करहुँ कृपा प्रभु अस सुनि काना। निर्भर प्रेम मगन हनुमाना।।
बार बार नाएसि पद सीसा। बोला बचन जोरि कर कीसा।।
अब कृतकृत्य भयउँ मैं माता। आसिष तव अमोघ बिख्याता।।
सुनहु मातु मोहि अतिसय भूखा। लागि देखि सुंदर फल रूखा।।
सुनु सुत करहिं बिपिन रखवारी। परम सुभट रजनीचर भारी।।
तिन्ह कर भय माता मोहि नाहीं। जौं तुम्ह सुख मानहु मन माहीं।।
दो0-देखि बुद्धि बल निपुन कपि कहेउ जानकीं जाहु।
रघुपति चरन हृदयँ धरि तात मधुर फल खाहु।।17।।
चलेउ नाइ सिरु पैठेउ बागा। फल खाएसि तरु तोरैं लागा।।
रहे तहाँ बहु भट रखवारे। कछु मारेसि कछु जाइ पुकारे।।
नाथ एक आवा कपि भारी। तेहिं असोक बाटिका उजारी।।
खाएसि फल अरु बिटप उपारे। रच्छक मर्दि मर्दि महि डारे।।
सुनि रावन पठए भट नाना। तिन्हहि देखि गर्जेउ हनुमाना।।
सब रजनीचर कपि संघारे। गए पुकारत कछु अधमारे।।
पुनि पठयउ तेहिं अच्छकुमारा। चला संग लै सुभट अपारा।।
आवत देखि बिटप गहि तर्जा। ताहि निपाति महाधुनि गर्जा।।
दो0-कछु मारेसि कछु मर्देसि कछु मिलएसि धरि धूरि।
कछु पुनि जाइ पुकारे प्रभु मर्कट बल भूरि।।18।।
सुनि सुत बध लंकेस रिसाना। पठएसि मेघनाद बलवाना।।
मारसि जनि सुत बांधेसु ताही। देखिअ कपिहि कहाँ कर आही।।
चला इंद्रजित अतुलित जोधा। बंधु निधन सुनि उपजा क्रोधा।।
कपि देखा दारुन भट आवा। कटकटाइ गर्जा अरु धावा।।
अति बिसाल तरु एक उपारा। बिरथ कीन्ह लंकेस कुमारा।।
रहे महाभट ताके संगा। गहि गहि कपि मर्दइ निज अंगा।।
तिन्हहि निपाति ताहि सन बाजा। भिरे जुगल मानहुँ गजराजा।
मुठिका मारि चढ़ा तरु जाई। ताहि एक छन मुरुछा आई।।
उठि बहोरि कीन्हिसि बहु माया। जीति न जाइ प्रभंजन जाया।।
दो0-ब्रह्म अस्त्र तेहिं साँधा कपि मन कीन्ह बिचार।
जौं न ब्रह्मसर मानउँ महिमा मिटइ अपार।।19।।
ब्रह्मबान कपि कहुँ तेहि मारा। परतिहुँ बार कटकु संघारा।।
तेहि देखा कपि मुरुछित भयऊ। नागपास बाँधेसि लै गयऊ।।
जासु नाम जपि सुनहु भवानी। भव बंधन काटहिं नर ग्यानी।।
तासु दूत कि बंध तरु आवा। प्रभु कारज लगि कपिहिं बँधावा।।
कपि बंधन सुनि निसिचर धाए। कौतुक लागि सभाँ सब आए।।
दसमुख सभा दीखि कपि जाई। कहि न जाइ कछु अति प्रभुताई।।
कर जोरें सुर दिसिप बिनीता। भृकुटि बिलोकत सकल सभीता।।
देखि प्रताप न कपि मन संका। जिमि अहिगन महुँ गरुड़ असंका।।
दो0-कपिहि बिलोकि दसानन बिहसा कहि दुर्बाद।
सुत बध सुरति कीन्हि पुनि उपजा हृदयँ बिषाद।।20।।
कह लंकेस कवन तैं कीसा। केहिं के बल घालेहि बन खीसा।।
की धौं श्रवन सुनेहि नहिं मोही। देखउँ अति असंक सठ तोही।।
मारे निसिचर केहिं अपराधा। कहु सठ तोहि न प्रान कइ बाधा।।
सुन रावन ब्रह्मांड निकाया। पाइ जासु बल बिरचित माया।।
जाकें बल बिरंचि हरि ईसा। पालत सृजत हरत दससीसा।
जा बल सीस धरत सहसानन। अंडकोस समेत गिरि कानन।।
धरइ जो बिबिध देह सुरत्राता। तुम्ह ते सठन्ह सिखावनु दाता।
हर कोदंड कठिन जेहि भंजा। तेहि समेत नृप दल मद गंजा।।
खर दूषन त्रिसिरा अरु बाली। बधे सकल अतुलित बलसाली।।
दो0-जाके बल लवलेस तें जितेहु चराचर झारि।
तासु दूत मैं जा करि हरि आनेहु प्रिय नारि।।21।।
जानउँ मैं तुम्हारि प्रभुताई। सहसबाहु सन परी लराई।।
समर बालि सन करि जसु पावा। सुनि कपि बचन बिहसि बिहरावा।।
खायउँ फल प्रभु लागी भूँखा। कपि सुभाव तें तोरेउँ रूखा।।
सब कें देह परम प्रिय स्वामी। मारहिं मोहि कुमारग गामी।।
जिन्ह मोहि मारा ते मैं मारे। तेहि पर बाँधेउ तनयँ तुम्हारे।।
मोहि न कछु बाँधे कइ लाजा। कीन्ह चहउँ निज प्रभु कर काजा।।
बिनती करउँ जोरि कर रावन। सुनहु मान तजि मोर सिखावन।।
देखहु तुम्ह निज कुलहि बिचारी। भ्रम तजि भजहु भगत भय हारी।।
जाकें डर अति काल डेराई। जो सुर असुर चराचर खाई।।
तासों बयरु कबहुँ नहिं कीजै। मोरे कहें जानकी दीजै।।
दो0-प्रनतपाल रघुनायक करुना सिंधु खरारि।
गएँ सरन प्रभु राखिहैं तव अपराध बिसारि।।22।।
राम चरन पंकज उर धरहू। लंका अचल राज तुम्ह करहू।।
रिषि पुलिस्त जसु बिमल मंयका। तेहि ससि महुँ जनि होहु कलंका।।
राम नाम बिनु गिरा न सोहा। देखु बिचारि त्यागि मद मोहा।।
बसन हीन नहिं सोह सुरारी। सब भूषण भूषित बर नारी।।
राम बिमुख संपति प्रभुताई। जाइ रही पाई बिनु पाई।।
सजल मूल जिन्ह सरितन्ह नाहीं। बरषि गए पुनि तबहिं सुखाहीं।।
सुनु दसकंठ कहउँ पन रोपी। बिमुख राम त्राता नहिं कोपी।।
संकर सहस बिष्नु अज तोही। सकहिं न राखि राम कर द्रोही।।
दो0-मोहमूल बहु सूल प्रद त्यागहु तम अभिमान।
भजहु राम रघुनायक कृपा सिंधु भगवान।।23।।
जदपि कहि कपि अति हित बानी। भगति बिबेक बिरति नय सानी।।
बोला बिहसि महा अभिमानी। मिला हमहि कपि गुर बड़ ग्यानी।।
मृत्यु निकट आई खल तोही। लागेसि अधम सिखावन मोही।।
उलटा होइहि कह हनुमाना। मतिभ्रम तोर प्रगट मैं जाना।।
सुनि कपि बचन बहुत खिसिआना। बेगि न हरहुँ मूढ़ कर प्राना।।
सुनत निसाचर मारन धाए। सचिवन्ह सहित बिभीषनु आए।
नाइ सीस करि बिनय बहूता। नीति बिरोध न मारिअ दूता।।
आन दंड कछु करिअ गोसाँई। सबहीं कहा मंत्र भल भाई।।
सुनत बिहसि बोला दसकंधर। अंग भंग करि पठइअ बंदर।।
दो–कपि कें ममता पूँछ पर सबहि कहउँ समुझाइ।
तेल बोरि पट बाँधि पुनि पावक देहु लगाइ।।24।।
पूँछहीन बानर तहँ जाइहि। तब सठ निज नाथहि लइ आइहि।।
जिन्ह कै कीन्हसि बहुत बड़ाई। देखेउँ मैं तिन्ह कै प्रभुताई।।
बचन सुनत कपि मन मुसुकाना। भइ सहाय सारद मैं जाना।।
जातुधान सुनि रावन बचना। लागे रचैं मूढ़ सोइ रचना।।
रहा न नगर बसन घृत तेला। बाढ़ी पूँछ कीन्ह कपि खेला।।
कौतुक कहँ आए पुरबासी। मारहिं चरन करहिं बहु हाँसी।।
बाजहिं ढोल देहिं सब तारी। नगर फेरि पुनि पूँछ प्रजारी।।
पावक जरत देखि हनुमंता। भयउ परम लघु रुप तुरंता।।
निबुकि चढ़ेउ कपि कनक अटारीं। भई सभीत निसाचर नारीं।।
दो0-हरि प्रेरित तेहि अवसर चले मरुत उनचास।
अट्टहास करि गर्ज कपि बढ़ि लाग अकास।।25।।
देह बिसाल परम हरुआई। मंदिर तें मंदिर चढ़ धाई।।
जरइ नगर भा लोग बिहाला। झपट लपट बहु कोटि कराला।।
तात मातु हा सुनिअ पुकारा। एहि अवसर को हमहि उबारा।।
हम जो कहा यह कपि नहिं होई। बानर रूप धरें सुर कोई।।
साधु अवग्या कर फलु ऐसा। जरइ नगर अनाथ कर जैसा।।
जारा नगरु निमिष एक माहीं। एक बिभीषन कर गृह नाहीं।।
ता कर दूत अनल जेहिं सिरिजा। जरा न सो तेहि कारन गिरिजा।।
उलटि पलटि लंका सब जारी। कूदि परा पुनि सिंधु मझारी।।
दो0-पूँछ बुझाइ खोइ श्रम धरि लघु रूप बहोरि।
जनकसुता के आगें ठाढ़ भयउ कर जोरि।।26।।
मातु मोहि दीजे कछु चीन्हा। जैसें रघुनायक मोहि दीन्हा।।
चूड़ामनि उतारि तब दयऊ। हरष समेत पवनसुत लयऊ।।
कहेहु तात अस मोर प्रनामा। सब प्रकार प्रभु पूरनकामा।।
दीन दयाल बिरिदु संभारी। हरहु नाथ मम संकट भारी।।
तात सक्रसुत कथा सुनाएहु। बान प्रताप प्रभुहि समुझाएहु।।
मास दिवस महुँ नाथु न आवा। तौ पुनि मोहि जिअत नहिं पावा।।
कहु कपि केहि बिधि राखौं प्राना। तुम्हहू तात कहत अब जाना।।
तोहि देखि सीतलि भइ छाती। पुनि मो कहुँ सोइ दिनु सो राती।।
दो0-जनकसुतहि समुझाइ करि बहु बिधि धीरजु दीन्ह।
चरन कमल सिरु नाइ कपि गवनु राम पहिं कीन्ह।।27।।
चलत महाधुनि गर्जेसि भारी। गर्भ स्त्रवहिं सुनि निसिचर नारी।।
नाघि सिंधु एहि पारहि आवा। सबद किलकिला कपिन्ह सुनावा।।
हरषे सब बिलोकि हनुमाना। नूतन जन्म कपिन्ह तब जाना।।
मुख प्रसन्न तन तेज बिराजा। कीन्हेसि रामचन्द्र कर काजा।।
मिले सकल अति भए सुखारी। तलफत मीन पाव जिमि बारी।।
चले हरषि रघुनायक पासा। पूँछत कहत नवल इतिहासा।।
तब मधुबन भीतर सब आए। अंगद संमत मधु फल खाए।।
रखवारे जब बरजन लागे। मुष्टि प्रहार हनत सब भागे।।
दो0-जाइ पुकारे ते सब बन उजार जुबराज।
सुनि सुग्रीव हरष कपि करि आए प्रभु काज।।28।।
जौं न होति सीता सुधि पाई। मधुबन के फल सकहिं कि खाई।।
एहि बिधि मन बिचार कर राजा। आइ गए कपि सहित समाजा।।
आइ सबन्हि नावा पद सीसा। मिलेउ सबन्हि अति प्रेम कपीसा।।
पूँछी कुसल कुसल पद देखी। राम कृपाँ भा काजु बिसेषी।।
नाथ काजु कीन्हेउ हनुमाना। राखे सकल कपिन्ह के प्राना।।
सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ।
राम कपिन्ह जब आवत देखा। किएँ काजु मन हरष बिसेषा।।
फटिक सिला बैठे द्वौ भाई। परे सकल कपि चरनन्हि जाई।।
दो0-प्रीति सहित सब भेटे रघुपति करुना पुंज।
पूँछी कुसल नाथ अब कुसल देखि पद कंज।।29।।
जामवंत कह सुनु रघुराया। जा पर नाथ करहु तुम्ह दाया।।
ताहि सदा सुभ कुसल निरंतर। सुर नर मुनि प्रसन्न ता ऊपर।।
सोइ बिजई बिनई गुन सागर। तासु सुजसु त्रेलोक उजागर।।
प्रभु कीं कृपा भयउ सबु काजू। जन्म हमार सुफल भा आजू।।
नाथ पवनसुत कीन्हि जो करनी। सहसहुँ मुख न जाइ सो बरनी।।
पवनतनय के चरित सुहाए। जामवंत रघुपतिहि सुनाए।।
सुनत कृपानिधि मन अति भाए। पुनि हनुमान हरषि हियँ लाए।।
कहहु तात केहि भाँति जानकी। रहति करति रच्छा स्वप्रान की।।
दो0-नाम पाहरु दिवस निसि ध्यान तुम्हार कपाट।
लोचन निज पद जंत्रित जाहिं प्रान केहिं बाट।।30।।
चलत मोहि चूड़ामनि दीन्ही। रघुपति हृदयँ लाइ सोइ लीन्ही।।
नाथ जुगल लोचन भरि बारी। बचन कहे कछु जनककुमारी।।
अनुज समेत गहेहु प्रभु चरना। दीन बंधु प्रनतारति हरना।।
मन क्रम बचन चरन अनुरागी। केहि अपराध नाथ हौं त्यागी।।
अवगुन एक मोर मैं माना। बिछुरत प्रान न कीन्ह पयाना।।
नाथ सो नयनन्हि को अपराधा। निसरत प्रान करिहिं हठि बाधा।।
बिरह अगिनि तनु तूल समीरा। स्वास जरइ छन माहिं सरीरा।।
नयन स्त्रवहि जलु निज हित लागी। जरैं न पाव देह बिरहागी।
सीता के अति बिपति बिसाला। बिनहिं कहें भलि दीनदयाला।।
दो0-निमिष निमिष करुनानिधि जाहिं कलप सम बीति।
बेगि चलिय प्रभु आनिअ भुज बल खल दल जीति।।31।।
सुनि सीता दुख प्रभु सुख अयना। भरि आए जल राजिव नयना।।
बचन काँय मन मम गति जाही। सपनेहुँ बूझिअ बिपति कि ताही।।
कह हनुमंत बिपति प्रभु सोई। जब तव सुमिरन भजन न होई।।
केतिक बात प्रभु जातुधान की। रिपुहि जीति आनिबी जानकी।।
सुनु कपि तोहि समान उपकारी। नहिं कोउ सुर नर मुनि तनुधारी।।
प्रति उपकार करौं का तोरा। सनमुख होइ न सकत मन मोरा।।
सुनु सुत उरिन मैं नाहीं। देखेउँ करि बिचार मन माहीं।।
पुनि पुनि कपिहि चितव सुरत्राता। लोचन नीर पुलक अति गाता।।
दो0-सुनि प्रभु बचन बिलोकि मुख गात हरषि हनुमंत।
चरन परेउ प्रेमाकुल त्राहि त्राहि भगवंत।।32।।
बार बार प्रभु चहइ उठावा। प्रेम मगन तेहि उठब न भावा।।
प्रभु कर पंकज कपि कें सीसा। सुमिरि सो दसा मगन गौरीसा।।
सावधान मन करि पुनि संकर। लागे कहन कथा अति सुंदर।।
कपि उठाइ प्रभु हृदयँ लगावा। कर गहि परम निकट बैठावा।।
कहु कपि रावन पालित लंका। केहि बिधि दहेउ दुर्ग अति बंका।।
प्रभु प्रसन्न जाना हनुमाना। बोला बचन बिगत अभिमाना।।
साखामृग के बड़ि मनुसाई। साखा तें साखा पर जाई।।
नाघि सिंधु हाटकपुर जारा। निसिचर गन बिधि बिपिन उजारा।
सो सब तव प्रताप रघुराई। नाथ न कछू मोरि प्रभुताई।।
दो0- ता कहुँ प्रभु कछु अगम नहिं जा पर तुम्ह अनुकुल।
तब प्रभावँ बड़वानलहिं जारि सकइ खलु तूल।।33।।
नाथ भगति अति सुखदायनी। देहु कृपा करि अनपायनी।।
सुनि प्रभु परम सरल कपि बानी। एवमस्तु तब कहेउ भवानी।।
उमा राम सुभाउ जेहिं जाना। ताहि भजनु तजि भाव न आना।।
यह संवाद जासु उर आवा। रघुपति चरन भगति सोइ पावा।।
सुनि प्रभु बचन कहहिं कपिबृंदा। जय जय जय कृपाल सुखकंदा।।
तब रघुपति कपिपतिहि बोलावा। कहा चलैं कर करहु बनावा।।
अब बिलंबु केहि कारन कीजे। तुरत कपिन्ह कहुँ आयसु दीजे।।
कौतुक देखि सुमन बहु बरषी। नभ तें भवन चले सुर हरषी।।
दो0-कपिपति बेगि बोलाए आए जूथप जूथ।
नाना बरन अतुल बल बानर भालु बरूथ।।34।।
प्रभु पद पंकज नावहिं सीसा। गरजहिं भालु महाबल कीसा।।
देखी राम सकल कपि सेना। चितइ कृपा करि राजिव नैना।।
राम कृपा बल पाइ कपिंदा। भए पच्छजुत मनहुँ गिरिंदा।।
हरषि राम तब कीन्ह पयाना। सगुन भए सुंदर सुभ नाना।।
जासु सकल मंगलमय कीती। तासु पयान सगुन यह नीती।।
प्रभु पयान जाना बैदेहीं। फरकि बाम अँग जनु कहि देहीं।।
जोइ जोइ सगुन जानकिहि होई। असगुन भयउ रावनहि सोई।।
चला कटकु को बरनैं पारा। गर्जहि बानर भालु अपारा।।
नख आयुध गिरि पादपधारी। चले गगन महि इच्छाचारी।।
केहरिनाद भालु कपि करहीं। डगमगाहिं दिग्गज चिक्करहीं।।
छं0-चिक्करहिं दिग्गज डोल महि गिरि लोल सागर खरभरे।
मन हरष सभ गंधर्ब सुर मुनि नाग किन्नर दुख टरे।।
कटकटहिं मर्कट बिकट भट बहु कोटि कोटिन्ह धावहीं।
जय राम प्रबल प्रताप कोसलनाथ गुन गन गावहीं।।1।।
सहि सक न भार उदार अहिपति बार बारहिं मोहई।
गह दसन पुनि पुनि कमठ पृष्ट कठोर सो किमि सोहई।।
रघुबीर रुचिर प्रयान प्रस्थिति जानि परम सुहावनी।
जनु कमठ खर्पर सर्पराज सो लिखत अबिचल पावनी।।2।।
दो0-एहि बिधि जाइ कृपानिधि उतरे सागर तीर।
जहँ तहँ लागे खान फल भालु बिपुल कपि बीर।।35।।
उहाँ निसाचर रहहिं ससंका। जब ते जारि गयउ कपि लंका।।
निज निज गृहँ सब करहिं बिचारा। नहिं निसिचर कुल केर उबारा।।
जासु दूत बल बरनि न जाई। तेहि आएँ पुर कवन भलाई।।
दूतन्हि सन सुनि पुरजन बानी। मंदोदरी अधिक अकुलानी।।
रहसि जोरि कर पति पग लागी। बोली बचन नीति रस पागी।।
कंत करष हरि सन परिहरहू। मोर कहा अति हित हियँ धरहु।।
समुझत जासु दूत कइ करनी। स्त्रवहीं गर्भ रजनीचर धरनी।।
तासु नारि निज सचिव बोलाई। पठवहु कंत जो चहहु भलाई।।
तब कुल कमल बिपिन दुखदाई। सीता सीत निसा सम आई।।
सुनहु नाथ सीता बिनु दीन्हें। हित न तुम्हार संभु अज कीन्हें।।
दो0–राम बान अहि गन सरिस निकर निसाचर भेक।
जब लगि ग्रसत न तब लगि जतनु करहु तजि टेक।।36।।
श्रवन सुनी सठ ता करि बानी। बिहसा जगत बिदित अभिमानी।।
सभय सुभाउ नारि कर साचा। मंगल महुँ भय मन अति काचा।।
जौं आवइ मर्कट कटकाई। जिअहिं बिचारे निसिचर खाई।।
कंपहिं लोकप जाकी त्रासा। तासु नारि सभीत बड़ि हासा।।
अस कहि बिहसि ताहि उर लाई। चलेउ सभाँ ममता अधिकाई।।
मंदोदरी हृदयँ कर चिंता। भयउ कंत पर बिधि बिपरीता।।
बैठेउ सभाँ खबरि असि पाई। सिंधु पार सेना सब आई।।
बूझेसि सचिव उचित मत कहहू। ते सब हँसे मष्ट करि रहहू।।
जितेहु सुरासुर तब श्रम नाहीं। नर बानर केहि लेखे माही।।
दो0-सचिव बैद गुर तीनि जौं प्रिय बोलहिं भय आस।
राज धर्म तन तीनि कर होइ बेगिहीं नास।।37।।
सोइ रावन कहुँ बनि सहाई। अस्तुति करहिं सुनाइ सुनाई।।
अवसर जानि बिभीषनु आवा। भ्राता चरन सीसु तेहिं नावा।।
पुनि सिरु नाइ बैठ निज आसन। बोला बचन पाइ अनुसासन।।
जौ कृपाल पूँछिहु मोहि बाता। मति अनुरुप कहउँ हित ताता।।
जो आपन चाहै कल्याना। सुजसु सुमति सुभ गति सुख नाना।।
सो परनारि लिलार गोसाईं। तजउ चउथि के चंद कि नाई।।
चौदह भुवन एक पति होई। भूतद्रोह तिष्टइ नहिं सोई।।
गुन सागर नागर नर जोऊ। अलप लोभ भल कहइ न कोऊ।।
दो0- काम क्रोध मद लोभ सब नाथ नरक के पंथ।
सब परिहरि रघुबीरहि भजहु भजहिं जेहि संत।।38।।
तात राम नहिं नर भूपाला। भुवनेस्वर कालहु कर काला।।
ब्रह्म अनामय अज भगवंता। ब्यापक अजित अनादि अनंता।।
गो द्विज धेनु देव हितकारी। कृपासिंधु मानुष तनुधारी।।
जन रंजन भंजन खल ब्राता। बेद धर्म रच्छक सुनु भ्राता।।
ताहि बयरु तजि नाइअ माथा। प्रनतारति भंजन रघुनाथा।।
देहु नाथ प्रभु कहुँ बैदेही। भजहु राम बिनु हेतु सनेही।।
सरन गएँ प्रभु ताहु न त्यागा। बिस्व द्रोह कृत अघ जेहि लागा।।
जासु नाम त्रय ताप नसावन। सोइ प्रभु प्रगट समुझु जियँ रावन।।
दो0-बार बार पद लागउँ बिनय करउँ दससीस।
परिहरि मान मोह मद भजहु कोसलाधीस।।39(क)।।
मुनि पुलस्ति निज सिष्य सन कहि पठई यह बात।
तुरत सो मैं प्रभु सन कही पाइ सुअवसरु तात।।39(ख)।।
माल्यवंत अति सचिव सयाना। तासु बचन सुनि अति सुख माना।।
तात अनुज तव नीति बिभूषन। सो उर धरहु जो कहत बिभीषन।।
रिपु उतकरष कहत सठ दोऊ। दूरि न करहु इहाँ हइ कोऊ।।
माल्यवंत गृह गयउ बहोरी। कहइ बिभीषनु पुनि कर जोरी।।
सुमति कुमति सब कें उर रहहीं। नाथ पुरान निगम अस कहहीं।।
जहाँ सुमति तहँ संपति नाना। जहाँ कुमति तहँ बिपति निदाना।।
तव उर कुमति बसी बिपरीता। हित अनहित मानहु रिपु प्रीता।।
कालराति निसिचर कुल केरी। तेहि सीता पर प्रीति घनेरी।।
दो0-तात चरन गहि मागउँ राखहु मोर दुलार।
सीत देहु राम कहुँ अहित न होइ तुम्हार।।40।।
बुध पुरान श्रुति संमत बानी। कही बिभीषन नीति बखानी।।
सुनत दसानन उठा रिसाई। खल तोहि निकट मुत्यु अब आई।।
जिअसि सदा सठ मोर जिआवा। रिपु कर पच्छ मूढ़ तोहि भावा।।
कहसि न खल अस को जग माहीं। भुज बल जाहि जिता मैं नाही।।
मम पुर बसि तपसिन्ह पर प्रीती। सठ मिलु जाइ तिन्हहि कहु नीती।।
अस कहि कीन्हेसि चरन प्रहारा। अनुज गहे पद बारहिं बारा।।
उमा संत कइ इहइ बड़ाई। मंद करत जो करइ भलाई।।
तुम्ह पितु सरिस भलेहिं मोहि मारा। रामु भजें हित नाथ तुम्हारा।।
सचिव संग लै नभ पथ गयऊ। सबहि सुनाइ कहत अस भयऊ।।
दो0=रामु सत्यसंकल्प प्रभु सभा कालबस तोरि।
मै रघुबीर सरन अब जाउँ देहु जनि खोरि।।41।।
अस कहि चला बिभीषनु जबहीं। आयूहीन भए सब तबहीं।।
साधु अवग्या तुरत भवानी। कर कल्यान अखिल कै हानी।।
रावन जबहिं बिभीषन त्यागा। भयउ बिभव बिनु तबहिं अभागा।।
चलेउ हरषि रघुनायक पाहीं। करत मनोरथ बहु मन माहीं।।
देखिहउँ जाइ चरन जलजाता। अरुन मृदुल सेवक सुखदाता।।
जे पद परसि तरी रिषिनारी। दंडक कानन पावनकारी।।
जे पद जनकसुताँ उर लाए। कपट कुरंग संग धर धाए।।
हर उर सर सरोज पद जेई। अहोभाग्य मै देखिहउँ तेई।।
दो0= जिन्ह पायन्ह के पादुकन्हि भरतु रहे मन लाइ।
ते पद आजु बिलोकिहउँ इन्ह नयनन्हि अब जाइ।।42।।
एहि बिधि करत सप्रेम बिचारा। आयउ सपदि सिंधु एहिं पारा।।
कपिन्ह बिभीषनु आवत देखा। जाना कोउ रिपु दूत बिसेषा।।
ताहि राखि कपीस पहिं आए। समाचार सब ताहि सुनाए।।
कह सुग्रीव सुनहु रघुराई। आवा मिलन दसानन भाई।।
कह प्रभु सखा बूझिऐ काहा। कहइ कपीस सुनहु नरनाहा।।
जानि न जाइ निसाचर माया। कामरूप केहि कारन आया।।
भेद हमार लेन सठ आवा। राखिअ बाँधि मोहि अस भावा।।
सखा नीति तुम्ह नीकि बिचारी। मम पन सरनागत भयहारी।।
सुनि प्रभु बचन हरष हनुमाना। सरनागत बच्छल भगवाना।।
दो0=सरनागत कहुँ जे तजहिं निज अनहित अनुमानि।
ते नर पावँर पापमय तिन्हहि बिलोकत हानि।।43।।
कोटि बिप्र बध लागहिं जाहू। आएँ सरन तजउँ नहिं ताहू।।
सनमुख होइ जीव मोहि जबहीं। जन्म कोटि अघ नासहिं तबहीं।।
पापवंत कर सहज सुभाऊ। भजनु मोर तेहि भाव न काऊ।।
जौं पै दुष्टहदय सोइ होई। मोरें सनमुख आव कि सोई।।
निर्मल मन जन सो मोहि पावा। मोहि कपट छल छिद्र न भावा।।
भेद लेन पठवा दससीसा। तबहुँ न कछु भय हानि कपीसा।।
जग महुँ सखा निसाचर जेते। लछिमनु हनइ निमिष महुँ तेते।।
जौं सभीत आवा सरनाई। रखिहउँ ताहि प्रान की नाई।।
दो0=उभय भाँति तेहि आनहु हँसि कह कृपानिकेत।
जय कृपाल कहि चले अंगद हनू समेत।।44।।
सादर तेहि आगें करि बानर। चले जहाँ रघुपति करुनाकर।।
दूरिहि ते देखे द्वौ भ्राता। नयनानंद दान के दाता।।
बहुरि राम छबिधाम बिलोकी। रहेउ ठटुकि एकटक पल रोकी।।
भुज प्रलंब कंजारुन लोचन। स्यामल गात प्रनत भय मोचन।।
सिंघ कंध आयत उर सोहा। आनन अमित मदन मन मोहा।।
नयन नीर पुलकित अति गाता। मन धरि धीर कही मृदु बाता।।
नाथ दसानन कर मैं भ्राता। निसिचर बंस जनम सुरत्राता।।
सहज पापप्रिय तामस देहा। जथा उलूकहि तम पर नेहा।।
दो0-श्रवन सुजसु सुनि आयउँ प्रभु भंजन भव भीर।
त्राहि त्राहि आरति हरन सरन सुखद रघुबीर।।45।।
अस कहि करत दंडवत देखा। तुरत उठे प्रभु हरष बिसेषा।।
दीन बचन सुनि प्रभु मन भावा। भुज बिसाल गहि हृदयँ लगावा।।
अनुज सहित मिलि ढिग बैठारी। बोले बचन भगत भयहारी।।
कहु लंकेस सहित परिवारा। कुसल कुठाहर बास तुम्हारा।।
खल मंडलीं बसहु दिनु राती। सखा धरम निबहइ केहि भाँती।।
मैं जानउँ तुम्हारि सब रीती। अति नय निपुन न भाव अनीती।।
बरु भल बास नरक कर ताता। दुष्ट संग जनि देइ बिधाता।।
अब पद देखि कुसल रघुराया। जौं तुम्ह कीन्ह जानि जन दाया।।
दो0-तब लगि कुसल न जीव कहुँ सपनेहुँ मन बिश्राम।
जब लगि भजत न राम कहुँ सोक धाम तजि काम।।46।।
तब लगि हृदयँ बसत खल नाना। लोभ मोह मच्छर मद माना।।
जब लगि उर न बसत रघुनाथा। धरें चाप सायक कटि भाथा।।
ममता तरुन तमी अँधिआरी। राग द्वेष उलूक सुखकारी।।
तब लगि बसति जीव मन माहीं। जब लगि प्रभु प्रताप रबि नाहीं।।
अब मैं कुसल मिटे भय भारे। देखि राम पद कमल तुम्हारे।।
तुम्ह कृपाल जा पर अनुकूला। ताहि न ब्याप त्रिबिध भव सूला।।
मैं निसिचर अति अधम सुभाऊ। सुभ आचरनु कीन्ह नहिं काऊ।।
जासु रूप मुनि ध्यान न आवा। तेहिं प्रभु हरषि हृदयँ मोहि लावा।।
दो0–अहोभाग्य मम अमित अति राम कृपा सुख पुंज।
देखेउँ नयन बिरंचि सिब सेब्य जुगल पद कंज।।47।।
सुनहु सखा निज कहउँ सुभाऊ। जान भुसुंडि संभु गिरिजाऊ।।
जौं नर होइ चराचर द्रोही। आवे सभय सरन तकि मोही।।
तजि मद मोह कपट छल नाना। करउँ सद्य तेहि साधु समाना।।
जननी जनक बंधु सुत दारा। तनु धनु भवन सुह्रद परिवारा।।
सब कै ममता ताग बटोरी। मम पद मनहि बाँध बरि डोरी।।
समदरसी इच्छा कछु नाहीं। हरष सोक भय नहिं मन माहीं।।
अस सज्जन मम उर बस कैसें। लोभी हृदयँ बसइ धनु जैसें।।
तुम्ह सारिखे संत प्रिय मोरें। धरउँ देह नहिं आन निहोरें।।
दो0- सगुन उपासक परहित निरत नीति दृढ़ नेम।
ते नर प्रान समान मम जिन्ह कें द्विज पद प्रेम।।48।।
सुनु लंकेस सकल गुन तोरें। तातें तुम्ह अतिसय प्रिय मोरें।।
राम बचन सुनि बानर जूथा। सकल कहहिं जय कृपा बरूथा।।
सुनत बिभीषनु प्रभु कै बानी। नहिं अघात श्रवनामृत जानी।।
पद अंबुज गहि बारहिं बारा। हृदयँ समात न प्रेमु अपारा।।
सुनहु देव सचराचर स्वामी। प्रनतपाल उर अंतरजामी।।
उर कछु प्रथम बासना रही। प्रभु पद प्रीति सरित सो बही।।
अब कृपाल निज भगति पावनी। देहु सदा सिव मन भावनी।।
एवमस्तु कहि प्रभु रनधीरा। मागा तुरत सिंधु कर नीरा।।
जदपि सखा तव इच्छा नाहीं। मोर दरसु अमोघ जग माहीं।।
अस कहि राम तिलक तेहि सारा। सुमन बृष्टि नभ भई अपारा।।
दो0-रावन क्रोध अनल निज स्वास समीर प्रचंड।
जरत बिभीषनु राखेउ दीन्हेहु राजु अखंड।।49(क)।।
जो संपति सिव रावनहि दीन्हि दिएँ दस माथ।
सोइ संपदा बिभीषनहि सकुचि दीन्ह रघुनाथ।।49(ख)।।
अस प्रभु छाड़ि भजहिं जे आना। ते नर पसु बिनु पूँछ बिषाना।।
निज जन जानि ताहि अपनावा। प्रभु सुभाव कपि कुल मन भावा।।
पुनि सर्बग्य सर्ब उर बासी। सर्बरूप सब रहित उदासी।।
बोले बचन नीति प्रतिपालक। कारन मनुज दनुज कुल घालक।।
सुनु कपीस लंकापति बीरा। केहि बिधि तरिअ जलधि गंभीरा।।
संकुल मकर उरग झष जाती। अति अगाध दुस्तर सब भाँती।।
कह लंकेस सुनहु रघुनायक। कोटि सिंधु सोषक तव सायक।।
जद्यपि तदपि नीति असि गाई। बिनय करिअ सागर सन जाई।।
दो0-प्रभु तुम्हार कुलगुर जलधि कहिहि उपाय बिचारि।
बिनु प्रयास सागर तरिहि सकल भालु कपि धारि।।50।।
सखा कही तुम्ह नीकि उपाई। करिअ दैव जौं होइ सहाई।।
मंत्र न यह लछिमन मन भावा। राम बचन सुनि अति दुख पावा।।
नाथ दैव कर कवन भरोसा। सोषिअ सिंधु करिअ मन रोसा।।
कादर मन कहुँ एक अधारा। दैव दैव आलसी पुकारा।।
सुनत बिहसि बोले रघुबीरा। ऐसेहिं करब धरहु मन धीरा।।
अस कहि प्रभु अनुजहि समुझाई। सिंधु समीप गए रघुराई।।
प्रथम प्रनाम कीन्ह सिरु नाई। बैठे पुनि तट दर्भ डसाई।।
जबहिं बिभीषन प्रभु पहिं आए। पाछें रावन दूत पठाए।।
दो0-सकल चरित तिन्ह देखे धरें कपट कपि देह।
प्रभु गुन हृदयँ सराहहिं सरनागत पर नेह।।51।।
प्रगट बखानहिं राम सुभाऊ। अति सप्रेम गा बिसरि दुराऊ।।
रिपु के दूत कपिन्ह तब जाने। सकल बाँधि कपीस पहिं आने।।
कह सुग्रीव सुनहु सब बानर। अंग भंग करि पठवहु निसिचर।।
सुनि सुग्रीव बचन कपि धाए। बाँधि कटक चहु पास फिराए।।
बहु प्रकार मारन कपि लागे। दीन पुकारत तदपि न त्यागे।।
जो हमार हर नासा काना। तेहि कोसलाधीस कै आना।।
सुनि लछिमन सब निकट बोलाए। दया लागि हँसि तुरत छोडाए।।
रावन कर दीजहु यह पाती। लछिमन बचन बाचु कुलघाती।।
दो0-कहेहु मुखागर मूढ़ सन मम संदेसु उदार।
सीता देइ मिलेहु न त आवा काल तुम्हार।।52।।
तुरत नाइ लछिमन पद माथा। चले दूत बरनत गुन गाथा।।
कहत राम जसु लंकाँ आए। रावन चरन सीस तिन्ह नाए।।
बिहसि दसानन पूँछी बाता। कहसि न सुक आपनि कुसलाता।।
पुनि कहु खबरि बिभीषन केरी। जाहि मृत्यु आई अति नेरी।।
करत राज लंका सठ त्यागी। होइहि जब कर कीट अभागी।।
पुनि कहु भालु कीस कटकाई। कठिन काल प्रेरित चलि आई।।
जिन्ह के जीवन कर रखवारा। भयउ मृदुल चित सिंधु बिचारा।।
कहु तपसिन्ह कै बात बहोरी। जिन्ह के हृदयँ त्रास अति मोरी।।
दो0–की भइ भेंट कि फिरि गए श्रवन सुजसु सुनि मोर।
कहसि न रिपु दल तेज बल बहुत चकित चित तोर।।53।।
नाथ कृपा करि पूँछेहु जैसें। मानहु कहा क्रोध तजि तैसें।।
मिला जाइ जब अनुज तुम्हारा। जातहिं राम तिलक तेहि सारा।।
रावन दूत हमहि सुनि काना। कपिन्ह बाँधि दीन्हे दुख नाना।।
श्रवन नासिका काटै लागे। राम सपथ दीन्हे हम त्यागे।।
पूँछिहु नाथ राम कटकाई। बदन कोटि सत बरनि न जाई।।
नाना बरन भालु कपि धारी। बिकटानन बिसाल भयकारी।।
जेहिं पुर दहेउ हतेउ सुत तोरा। सकल कपिन्ह महँ तेहि बलु थोरा।।
अमित नाम भट कठिन कराला। अमित नाग बल बिपुल बिसाला।।
दो0-द्विबिद मयंद नील नल अंगद गद बिकटासि।
दधिमुख केहरि निसठ सठ जामवंत बलरासि।।54।।
ए कपि सब सुग्रीव समाना। इन्ह सम कोटिन्ह गनइ को नाना।।
राम कृपाँ अतुलित बल तिन्हहीं। तृन समान त्रेलोकहि गनहीं।।
अस मैं सुना श्रवन दसकंधर। पदुम अठारह जूथप बंदर।।
नाथ कटक महँ सो कपि नाहीं। जो न तुम्हहि जीतै रन माहीं।।
परम क्रोध मीजहिं सब हाथा। आयसु पै न देहिं रघुनाथा।।
सोषहिं सिंधु सहित झष ब्याला। पूरहीं न त भरि कुधर बिसाला।।
मर्दि गर्द मिलवहिं दससीसा। ऐसेइ बचन कहहिं सब कीसा।।
गर्जहिं तर्जहिं सहज असंका। मानहु ग्रसन चहत हहिं लंका।।
दो0–सहज सूर कपि भालु सब पुनि सिर पर प्रभु राम।
रावन काल कोटि कहु जीति सकहिं संग्राम।।55।।
राम तेज बल बुधि बिपुलाई।तब भ्रातहि पूँछेउ नय नागर।।
तासु बचन सुनि सागर पाहीं।मागत पंथ कृपा मन माहीं।।
सुनत बचन बिहसा दससीसा।जौं असि मति सहाय कृत कीसा।।
सहज भीरु कर बचन दृढ़ाई।सागर सन ठानी मचलाई।।
मूढ़ मृषा का करसि बड़ाई।रिपु बल बुद्धि थाह मैं पाई।।
सचिव सभीत बिभीषन जाकें।बिजय बिभूति कहाँ जग ताकें।।
सुनि खल बचन दूत रिस बाढ़ी।समय बिचारि पत्रिका काढ़ी।।
रामानुज दीन्ही यह पाती।नाथ बचाइ जुड़ावहु छाती।।
बिहसि बाम कर लीन्ही रावन।सचिव बोलि सठ लाग बचावन।।
दो0–बातन्ह मनहि रिझाइ सठ जनि घालसि कुल खीस।
राम बिरोध न उबरसि सरन बिष्नु अज ईस।।56(क)।।
की तजि मान अनुज इव प्रभु पद पंकज भृंग।
होहि कि राम सरानल खल कुल सहित पतंग।।56(ख)।।
सुनत सभय मन मुख मुसुकाई।कहत दसानन सबहि सुनाई।।
भूमि परा कर गहत अकासा।लघु तापस कर बाग बिलासा।।
कह सुक नाथ सत्य सब बानी।समुझहु छाड़ि प्रकृति अभिमानी।।
सुनहु बचन मम परिहरि क्रोधा।नाथ राम सन तजहु बिरोधा।।
अति कोमल रघुबीर सुभाऊ।जद्यपि अखिल लोक कर राऊ।।
मिलत कृपा तुम्ह पर प्रभुकरिही। उर अपराध न एकउ धरिही।।
जनकसुता रघुनाथहि दीजे।एतना कहा मोर प्रभु कीजे।
जब तेहिं कहा देन बैदेही।चरन प्रहार कीन्ह सठ तेही।।
नाइ चरन सिरु चला सो तहाँ।कृपासिंधु रघुनायक जहाँ।।
करि प्रनामु निज कथा सुनाई।राम कृपाँ आपनि गति पाई।।
रिषि अगस्ति कीं साप भवानी।राछस भयउ रहा मुनि ग्यानी।।
बंदि राम पद बारहिं बारा।मुनि निज आश्रम कहुँ पगु धारा।।
दो0-बिनय न मानत जलधि जड़ गए तीन दिन बीति।
बोले राम सकोप तब भय बिनु होइ न प्रीति।।57।।
लछिमन बान सरासन आनू। सोषौं बारिधि बिसिख कृसानू।।
सठ सन बिनय कुटिल सन प्रीती।सहज कृपन सन सुंदर नीती।।
ममता रत सन ग्यान कहानी।अति लोभी सन बिरति बखानी।।
क्रोधिहि सम कामिहि हरि कथा। ऊसर बीज बएँ फल जथा।।
अस कहि रघुपति चाप चढ़ावा।यह मत लछिमन के मन भावा।।
संघानेउ प्रभु बिसिख कराला।उठी उदधि उर अंतर ज्वाला।।
मकर उरग झष गन अकुलाने।जरत जंतु जलनिधि जब जाने।।
कनक थार भरि मनि गन नाना।बिप्र रूप आयउ तजि माना।।
दो0-काटेहिं पइ कदरी फरइकोटि जतन कोउ सींच।
बिनय न मान खगेस सुनु डाटेहिं पइ नव नीच।।58।।
सभय सिंधु गहि पद प्रभु केरे। छमहु नाथ सब अवगुन मेरे।।
गगन समीर अनल जल धरनी। इन्ह कइ नाथ सहज जड़ करनी।।
तव प्रेरित मायाँ उपजाए।सृष्टि हेतु सब ग्रंथनि गाए।।
प्रभु आयसु जेहि कहँ जस अहई। सो तेहि भाँति रहे सुख लहई।।
प्रभु भल कीन्ही मोहि सिख दीन्ही। मरजादा पुनि तुम्हरी कीन्ही।।
ढोल गवाँर सूद्र पसु नारी।सकल ताड़ना के अधिकारी।।
प्रभु प्रताप मैं जाब सुखाई।उतरिहि कटकु न मोरि बड़ाई।।
प्रभु अग्या अपेल श्रुति गाई। करौं सो बेगि जौ तुम्हहि सोहाई।।
दो0-सुनत बिनीत बचन अति कह कृपाल मुसुकाइ।
जेहि बिधि उतरै कपि कटकु तात सो कहहु उपाइ।।59।।
नाथ नील नल कपि द्वौ भाई।लरिकाई रिषि आसिष पाई।।
तिन्ह के परस किएँ गिरि भारे। तरिहहिं जलधि प्रताप तुम्हारे।।
मैं पुनि उर धरि प्रभु प्रभुताई।करिहउँ बल अनुमान सहाई।।
एहि बिधि नाथ पयोधि बँधाइअ।जेहिं यह सुजसु लोक तिहुँ गाइअ।।
एहि सर मम उत्तर तट बासी।हतहु नाथ खल नर अघ रासी।।
सुनि कृपाल सागर मन पीरा।तुरतहिं हरी राम रनधीरा।।
देखि राम बल पौरुष भारी।हरषि पयोनिधि भयउ सुखारी।।
सकल चरित कहि प्रभुहि सुनावा।चरन बंदि पाथोधि सिधावा।।
छं0-निज भवन गवनेउ सिंधु श्रीरघुपतिहि यह मत भायऊ।
यह चरित कलि मलहर जथामति दास तुलसी गायऊ।।
सुख भवन संसय समन दवन बिषाद रघुपति गुन गना।।
तजि सकल आस भरोस गावहि सुनहि संतत सठ मना।।
दो0-सकल सुमंगल दायक रघुनायक गुन गान।
सादर सुनहिं ते तरहिं भव सिंधु बिना जलजान।।60।।
सियावर राम जय जय राम मेरे प्रभु राम जय जय राम
लेखक :- Traditional
Shri Gaṇeshay Namah Shri Janaki Vallabho Vijayate
Shri Ramacharit Manas Pancham Sopan Sundarakaṇḍ Shlok
Shantam Shashvatamaprameyamanagham
Nirvaṇashantipradam.Brahmashambhuphaṇindrasevyamanisham Vedantavedyam Vibhum॥
Ramakhyam Jagadishvaram Suragurun Mayamanushyam Harin.
VandeऽHam Karuṇakaram Raghuvaram Bhuupalachuuḍamaṇim॥१॥
Nanya Spṛha Raghupate HṛdayeऽSmadiye .Satyam Vadami Ch Bhavanakhilantaratma॥
Bhaktin Prayachchh Raghupungav Nirbharan Me.
Kamadidosharahitam Kuru Manasam Cha॥२॥
Atulitabaladhamam Hemashailabhadeham.Danujavanakṛshanun Jñaninamagragaṇyam॥
Sakalaguṇanidhanam Vanaraṇamadhisham.Raghupatipriyabhaktam Vataajatam Namami॥३॥
Jamavant Ke Bachan Suhae. Suni Hanumant Hṛday Ati Bhae..
Tab Lagi Mohi Parikhehu Tumh Bhai. Sahi Dukh Kand Muul Phal Khai..
Jab Lagi Avown Sitahi Dekhi. Hoihi Kaaju Mohi Harash Biseshi..
Yah Kahi Nai Sabanhi Kahun Matha. Chaleu Harashi Hiyan Dhari Raghunatha..
Sindhu Tir Ek Bhuudhar Sundara. Kowtuk Kuudi Chadheu Ta Uupara..
Bar Bar Raghubir Sanbhari. Tarakeu Pavanatanay Bal Bhari..
Jehin Giri Charan Dei Hanumanta. Chaleu So Ga Patal Turanta..
Jimi Amogh Raghupati Kar Bana. Ehi Bhanti Chaleu Hanumana..
Jalanidhi Raghupati Duut Bichari. Tain Mainak Hohi Shramahari..
Do0- Hanuuman Tehi Parasa Kar Puni Kinh Pranama.
Ram Kaaju Kinhen Binu Mohi Kahan Bishrama..1..
Jat Pavanasut Devanh Dekha. Janain Kahun Bal Buddhi Bisesha..
Surasa Nam Ahinh Kai Mata. Paṭhainhi Ai Kahi Tehin Bata..
Aaju Suranh Mohi Dinh Ahara. Sunat Bachan Kah Pavanakumara..
Ram Kaaju Kari Phiri Main Avown. Sita Kai Sudhi Prabhuhi Sunavown..
Tab Tav Badan Paiṭhihaun Ai. Saty Kahaun Mohi Jan De Mai..
Kabanehun Jatan Dei Nahin Jana. Grasasi N Mohi Kaheu Hanumana..
Jojan Bhari Tehin Badanu Pasara. Kapi Tanu Kinh Dugun Bistara..
Sorah Jojan Mukh Tehin Ṭhayauu. Turat Pavanasut Battis Bhayauu..
Jas Jas Surasa Badanu Badhava. Tasu Duun Kapi Ruup Dekhava..
Sat Jojan Tehin Anan Kinha. Ati Laghu Ruup Pavanasut Linha..
Badan Paiṭhi Puni Baher Ava. Maga Bida Tahi Siru Nava..
Mohi Suranh Jehi Lagi Paṭhava. Budhi Bal Maramu Tor Mai Pava..
Do0-Ram Kaaju Sabu Karihahu Tumh Bal Buddhi Nidhana.
Asish Deh Gai So Harashi Chaleu Hanumana..2..
Nisichari Ek Sindhu Mahun Rahai. Kari Maya Nabhu Ke Khag Gahai..
Jiv Jantu Je Gagan Udahin. Jal Biloki Tinh Kai Parichhahin..
Gahai Chhahan Sak So N Udai. Ehi Bidhi Sada Gaganachar Khai..
Soi Chhal Hanuuman Kahan Kinha. Tasu Kapaṭu Kapi Turatahin Chinha..
Tahi Mari Marutasut Bira. Baridhi Par Gayau Matidhira..
Tahan Jai Dekhi Ban Sobha. Gunjat Chancharik Madhu Lobha..
Nana Taru Phal Phuul Suhae. Khag Mṛg Bṛnd Dekhi Man Bhae..
Sail Bisal Dekhi Ek Agen. Ta Par Dhai Chaḍheu Bhay Tyagen..
Uma N Kachhu Kapi Kai Adhikai. Prabhu Pratap Jo Kalahi Khai..
Giri Par Chaḍhi Lanka Tehin Dekhi. Kahi N Jai Ati Durg Biseshi..
Ati Utang Jalanidhi Chahu Pasa. Kanak Koṭ Kar Param Prakasa..
Chham=Kanak Koṭ Bichitr Mani Kṛt Sundarayatana Ghana.
Chauhaṭṭ Haṭṭ Subaṭṭ Bithin Charu Pur Bahu Bidhi Bana..
Gaaj Baaji Khachchar Nikar Padachar Rath Baruuthinh Ko Ganai..
Bahuruup Nisichar Juuth Atibal Sen Baranat Nahin Banai..1..
Ban Bag Upaban Baṭika Sar Kuup Bapin Sohahin.
Nar Nag Sur Gandharb Kanya Ruup Muni Man Mohahin..
Kahun Mal Deh Bisal Sail Saman Atibal Garjahin.
Nana Akharenh Bhirahin Bahu Bidhi Ek Ekanh Tarjahin..2..
Kari Jatan Bhaṭ Koṭinh Bikaṭ Tan Nagar Chahun Disi Rachchhahin.
Kahun Mahish Manashu Dhenu Khar Aaj Khal Nisachar Bhachchhahin..
Ehi Lagi Tulasidas Inh Ki Katha Kachhu Ek Hai Kahi.
Raghubir Sar Tirath Sariranhi Tyagi Gati Paihahin Sahi..3..
Do0-Pur Rakhavare Dekhi Bahu Kapi Man Kinh Bichara.
Ati Laghu Ruup Dharown Nisi Nagar Karown Paisara..3..
Masak Saman Ruup Kapi Dhari. Lankahi Chaleu Sumiri Narahari..
Nam Lankini Ek Nisichari. So Kah Chalesi Mohi Nindari..
Janehi Nahin Maramu Saṭh Mora. Mor Ahar Jahan Lagi Chora..
Muṭhika Ek Maha Kapi Hani. Rudhir Bamat Dharanin Ḍhanamani..
Puni Sambhari Uṭhi So Lanka. Jori Pani Kar Binay Samsaka..
Jab Ravanahi Brahm Bar Dinha. Chalat Biranchi Kaha Mohi Chinha..
Bikal Hosi Tain Kapi Ken Mare. Tab Janesu Nisichar Sanghare..
Tat Mor Ati Puny Bahuuta. Dekheun Nayan Ram Kar Duuta..
Do0-Tat Svarg Apabarg Sukh Dharia Tula Ek Amga.
Tuul N Tahi Sakal Mili Jo Sukh Lav Satasanga..4..
Prabisi Nagar Kije Sab Kaaja. Hṛdayan Rakhi Kowsalapur Raaja..
Garal Sudha Ripu Karahin Mitai. Gopad Sindhu Anal Sitalai..
Garud Sumeru Renuu Sam Tahi. Ram Kṛpa Kari Chitava Jahi..
Ati Laghu Ruup Dhareu Hanumana. Paiṭha Nagar Sumiri Bhagavana..
Mandir Mandir Prati Kari Sodha. Dekhe Jahan Tahan Aganit Jodha..
Gayau Dasanan Mandir Mahin. Ati Bichitr Kahi Jat So Nahin..
Sayan Kie Dekha Kapi Tehi. Mandir Mahun N Dikhi Baidehi..
Bhavan Ek Puni Dikh Suhava. Hari Mandir Tahan Bhinn Banava..
Do0-Ramayudh Amkit Gṛh Sobha Barani N Jai.
Nav Tulasika Bṛnd Tahan Dekhi Harashi Kapirai..5..
Lanka Nisichar Nikar Nivasa. Ihan Kahan Saajjan Kar Basa..
Man Mahun Tarak Karai Kapi Laga. Tehin Samay Bibhishanu Jaga..
Ram Ram Tehin Sumiran Kinha. Hṛdayan Harash Kapi Saajjan Chinha..
Ehi San Haṭhi Karihaun Pahichani. Sadhu Te Hoi N Karaaj Hani..
Bipr Rup Dhari Bachan Sunae. Sunat Bibhishaṇ Uṭhi Tahan Ae..
Kari Pranam Puunchhi Kusalai. Bipr Kahahu Nij Katha Bujhai..
Ki Tumh Hari Dasanh Mahan Koi. Moren Hṛday Priti Ati Hoi..
Ki Tumh Ramu Din Anuragi. Ayahu Mohi Karan Badabhagi..
Do0-Tab Hanumant Kahi Sab Ram Katha Nij Nama.
Sunat Jugal Tan Pulak Man Magan Sumiri Gun Grama..6..
Sunahu Pavanasut Rahani Hamari. Jimi Dasananhi Mahun Jibh Bichari..
Tat Kabahun Mohi Jani Anatha. Karihahin Kṛpa Bhanukul Natha..
Tamas Tanu Kachhu Sadhan Nahin. Priti N Pad Saroj Man Mahin..
Ab Mohi Bha Bharos Hanumanta. Binu Harikṛpa Milahin Nahin Santa..
Jow Raghubir Anugrah Kinha. Tow Tumh Mohi Darasu Haṭhi Dinha..
Sunahu Bibhishan Prabhu Kai Riti. Karahin Sada Sevak Par Priti..
Kahahu Kavan Main Param Kulina. Kapi Chanchal Sabahin Bidhi Hina..
Prat Lei Jo Nam Hamara. Tehi Din Tahi N Milai Ahara..
Do0-As Main Adham Sakha Sunu Mohuu Par Raghubira.
Kinhi Kṛpa Sumiri Gun Bhare Bilochan Nira..7..
Janatahuun As Svami Bisari. Phirahin Te Kahe N Hohin Dukhari..
Ehi Bidhi Kahat Ram Gun Grama. Pava Anirbachy Bishrama..
Puni Sab Katha Bibhishan Kahi. Jehi Bidhi Janakasuta Tahan Rahi..
Tab Hanumant Kaha Sunu Bhrata. Dekhi Chahaun Janaki Mata..
Juguti Bibhishan Sakal Sunai. Chaleu Pavanasut Bida Karai..
Kari Soi Ruup Gayau Puni Tahavan. Ban Asok Sita Rah Jahavan..
Dekhi Manahi Mahun Kinh Pranama. Baiṭhehin Biti Jat Nisi Jama..
Kṛs Tan Sis Jaṭa Ek Beni. Japati Hṛdayan Raghupati Gun Shreni..
Do0-Nij Pad Nayan Dien Man Ram Pad Kamal Lina.
Param Dukhi Bha Pavanasut Dekhi Janaki Dina..8..
Taru Pallav Mahun Raha Lukai. Karai Bichar Karown Ka Bhai..
Tehi Avasar Ravanu Tahan Ava. Sang Nari Bahu Kien Banava..
Bahu Bidhi Khal Sitahi Samujhava. Sam Dan Bhay Bhed Dekhava..
Kah Ravanu Sunu Sumukhi Sayani. Mandodari Adi Sab Rani..
Tav Anucharin Karaun Pan Mora. Ek Bar Biloku Mam Ora..
Tṛn Dhari Oṭ Kahati Baidehi. Sumiri Avadhapati Param Sanehi..
Sunu Dasamukh Khadyot Prakasa. Kabahun Ki Nalini Karai Bikasa..
As Man Samujhu Kahati Janaki. Khal Sudhi Nahin Raghubir Ban Ki..
Saṭh Suune Hari Anehi Mohi. Adham Nilaajj Laaj Nahin Tohi..
Do0- Apuhi Suni Khadyot Sam Ramahi Bhanu Samana.
Parush Bachan Suni Kadhi Asi Bola Ati Khisiana..9..
Sita Tain Mam Kṛt Apamana. Kaṭihaun Tav Sir Kaṭhin Kṛpana..
Nahin T Sapadi Manu Mam Bani. Sumukhi Hoti N T Jivan Hani..
Syam Saroj Dam Sam Sundara. Prabhu Bhuj Kari Kar Sam Dasakandhara..
So Bhuj Kanṭh Ki Tav Asi Ghora. Sunu Saṭh As Pravan Pan Mora..
Chandrahas Haru Mam Paritapam. Raghupati Birah Anal Sanjatam..
Sital Nisit Bahasi Bar Dhara. Kah Sita Haru Mam Dukh Bhara..
Sunat Bachan Puni Maran Dhava. Mayatanayan Kahi Niti Bujhava..
Kahesi Sakal Nisicharinh Bolai. Sitahi Bahu Bidhi Trasahu Jai..
Mas Divas Mahun Kaha N Mana. Tow Main Marabi Kadhi Kṛpana..
Do0-Bhavan Gayau Dasakandhar Ihan Pisachini Bṛnda.
Sitahi Tras Dekhavahi Dharahin Ruup Bahu Manda..10..
Trijaṭa Nam Rachchhasi Eka. Ram Charan Rati Nipun Bibeka..
Sabanhow Boli Sunaesi Sapana. Sitahi Sei Karahu Hit Apana..
Sapanen Banar Lanka Jari. Jatudhan Sena Sab Mari..
Khar Aruudh Nagan Dasasisa. Munḍit Sir Khanḍit Bhuj Bisa..
Ehi Bidhi So Dachchhin Disi Jai. Lanka Manahun Bibhishan Pai..
Nagar Phiri Raghubir Dohai. Tab Prabhu Sita Boli Paṭhai..
Yah Sapana Men Kahaun Pukari. Hoihi Saty Gaen Din Chari..
Tasu Bachan Suni Te Sab Ḍarin. Janakasuta Ke Charananhi Parin..
Do0-Jahan Tahan Gain Sakal Tab Sita Kar Man Socha.
Mas Divas Biten Mohi Marihi Nisichar Pocha..11..
Trijaṭa San Boli Kar Jori. Matu Bipati Sangini Tain Mori..
Taajown Deh Karu Begi Upai. Dusahu Birahu Ab Nahin Sahi Jai..
Ani Kaṭh Rachu Chita Banai. Matu Anal Puni Dehi Lagai..
Saty Karahi Mam Priti Sayani. Sunai Ko Shravan Suul Sam Bani..
Sunat Bachan Pad Gahi Samujhaesi. Prabhu Pratap Bal Sujasu Sunaesi..
Nisi N Anal Mil Sunu Sukumari. As Kahi So Nij Bhavan Sidhari..
Kah Sita Bidhi Bha Pratikuula. Milahi N Pavak Miṭihi N Suula..
Dekhiat Pragaṭ Gagan Amgara. Avani N Avat Ekau Tara..
Pavakamay Sasi Stravat N Agi. Manahun Mohi Jani Hatabhagi..
Sunahi Binay Mam Biṭap Asoka. Saty Nam Karu Haru Mam Soka..
Nuutan Kisalay Anal Samana. Dehi Agini Jani Karahi Nidana..
Dekhi Param Birahakul Sita. So Chhan Kapihi Kalap Sam Bita..
So0-Kapi Kari Hṛdayan Bichar Dinhi Mudrika Ḍari Taba.
Janu Asok Amgar Dinhi Harashi Uṭhi Kar Gaheu..12..
Tab Dekhi Mudrika Manohara. Ram Nam Amkit Ati Sundara..
Chakit Chitav Mudari Pahichani. Harash Bishad Hṛdayan Akulani..
Jiti Ko Sakai Aajay Raghurai. Maya Ten Asi Rachi Nahin Jai..
Sita Man Bichar Kar Nana. Madhur Bachan Boleu Hanumana..
Ramachandr Gun Baranain Laga. Sunatahin Sita Kar Dukh Bhaga..
Lagin Sunain Shravan Man Lai. Adihu Ten Sab Katha Sunai..
Shravanamṛt Jehin Katha Suhai. Kahi So Pragaṭ Hoti Kin Bhai..
Tab Hanumant Nikaṭ Chali Gayauu. Phiri Bainṭhin Man Bisamay Bhayauu..
Ram Duut Main Matu Janaki. Saty Sapath Karunanidhan Ki..
Yah Mudrika Matu Main Ani. Dinhi Ram Tumh Kahan Sahidani..
Nar Banarahi Sang Kahu Kaisen. Kahi Katha Bhai Sangati Jaisen..
Do0-Kapi Ke Bachan Saprem Suni Upaaja Man Bisvasa..
Jana Man Kram Bachan Yah Kṛpasindhu Kar Dasa..13..
Harijan Jani Priti Ati Gadhi. Saajal Nayan Pulakavali Badhi..
Buudat Birah Jaladhi Hanumana. Bhayau Tat Mon Kahun Jalaajana..
Ab Kahu Kusal Jaun Balihari. Anuj Sahit Sukh Bhavan Kharari..
Komalachit Kṛpal Raghurai. Kapi Kehi Hetu Dhari Niṭhurai..
Sahaaj Bani Sevak Sukh Dayaka. Kabahunk Surati Karat Raghunayaka..
Kabahun Nayan Mam Sital Tata. Hoihahi Nirakhi Syam Mṛdu Gata..
Bachanu N Av Nayan Bhare Bari. Ahah Nath Hown Nipaṭ Bisari..
Dekhi Param Birahakul Sita. Bola Kapi Mṛdu Bachan Binita..
Matu Kusal Prabhu Anuj Sameta. Tav Dukh Dukhi Sukṛpa Niketa..
Jani Janani Manahu Jiyan Uuna. Tumh Te Premu Ram Ken Duuna..
Do0-Raghupati Kar Sandesu Ab Sunu Janani Dhari Dhira.
As Kahi Kapi Gad Gad Bhayau Bhare Bilochan Nira..14..
Kaheu Ram Biyog Tav Sita. Mo Kahun Sakal Bhae Biparita..
Nav Taru Kisalay Manahun Kṛsanuu. Kalanisa Sam Nisi Sasi Bhanuu..
Kubalay Bipin Kunt Ban Sarisa. Barid Tapat Tel Janu Barisa..
Je Hit Rahe Karat Tei Pira. Urag Svas Sam Tribidh Samira..
Kahehuu Ten Kachhu Dukh Ghaṭi Hoi. Kahi Kahown Yah Jan N Koi..
Tatv Prem Kar Mam Aru Tora. Janat Priya Eku Manu Mora..
So Manu Sada Rahat Tohi Pahin. Janu Priti Rasu Etenahi Mahin..
Prabhu Sandesu Sunat Baidehi. Magan Prem Tan Sudhi Nahin Tehi..
Kah Kapi Hṛdayan Dhir Dharu Mata. Sumiru Ram Sevak Sukhadata..
Ur Anahu Raghupati Prabhutai. Suni Mam Bachan Taajahu Kadarai..
Do0-Nisichar Nikar Patang Sam Raghupati Ban Kṛsanu.
Janani Hṛdayan Dhir Dharu Jare Nisachar Janu..15..
Jown Raghubir Hoti Sudhi Pai. Karate Nahin Bilambu Raghurai..
Ramaban Rabi Uen Janaki. Tam Baruuth Kahan Jatudhan Ki..
Abahin Matu Main Jaun Lavai. Prabhu Ayasu Nahin Ram Dohai..
Kachhuk Divas Janani Dharu Dhira. Kapinh Sahit Aihahin Raghubira..
Nisichar Mari Tohi Lai Jaihahin. Tihun Pur Naradadi Jasu Gaihahin..
Hain Sut Kapi Sab Tumhahi Samana. Jatudhan Ati Bhaṭ Balavana..
Moren Hṛday Param Sandeha. Suni Kapi Pragaṭ Kinh Nij Deha..
Kanak Bhuudharakar Sarira. Samar Bhayankar Atibal Bira..
Sita Man Bharos Tab Bhayauu. Puni Laghu Ruup Pavanasut Layauu..
Do0-Sunu Mata Sakhamṛg Nahin Bal Buddhi Bisala.
Prabhu Pratap Ten Garudahi Khai Param Laghu Byala..16..
Man Santosh Sunat Kapi Bani. Bhagati Pratap Tej Bal Sani..
Asish Dinhi Ramapriy Jana. Hohu Tat Bal Sil Nidhana..
Aajar Amar Gunanidhi Sut Hohuu. Karahun Bahut Raghunayak Chhohuu..
Karahun Kṛpa Prabhu As Suni Kana. Nirbhar Prem Magan Hanumana..
Bar Bar Naesi Pad Sisa. Bola Bachan Jori Kar Kisa..
Ab Kṛtakṛty Bhayaun Main Mata. Asish Tav Amogh Bikhyata..
Sunahu Matu Mohi Atisay Bhuukha. Lagi Dekhi Sundar Phal Ruukha..
Sunu Sut Karahin Bipin Rakhavari. Param Subhaṭ Raajanichar Bhari..
Tinh Kar Bhay Mata Mohi Nahin. Jown Tumh Sukh Manahu Man Mahin..
Do0-Dekhi Buddhi Bal Nipun Kapi Kaheu Janakin Jahu.
Raghupati Charan Hṛdayan Dhari Tat Madhur Phal Khahu..17..
Chaleu Nai Siru Paiṭheu Baga. Phal Khaesi Taru Torain Laga..
Rahe Tahan Bahu Bhaṭ Rakhavare. Kachhu Maresi Kachhu Jai Pukare..
Nath Ek Ava Kapi Bhari. Tehin Asok Baṭika Ujari..
Khaesi Phal Aru Biṭap Upare. Rachchhak Mardi Mardi Mahi Ḍare..
Suni Ravan Paṭhae Bhaṭ Nana. Tinhahi Dekhi Garjeu Hanumana..
Sab Raajanichar Kapi Sanghare. Gae Pukarat Kachhu Adhamare..
Puni Paṭhayau Tehin Achchhakumara. Chala Sang Lai Subhaṭ Apara..
Avat Dekhi Biṭap Gahi Tarja. Tahi Nipati Mahadhuni Garja..
Do0-Kachhu Maresi Kachhu Mardesi Kachhu Milaesi Dhari Dhuuri.
Kachhu Puni Jai Pukare Prabhu Markaṭ Bal Bhuuri..18..
Suni Sut Badh Lankes Risana. Paṭhaesi Meghanad Balavana..
Marasi Jani Sut Bandhesu Tahi. Dekhia Kapihi Kahan Kar Ahi..
Chala Indraajit Atulit Jodha. Bandhu Nidhan Suni Upaaja Krodha..
Kapi Dekha Darun Bhaṭ Ava. Kaṭakaṭai Garja Aru Dhava..
Ati Bisal Taru Ek Upara. Birath Kinh Lankes Kumara..
Rahe Mahabhaṭ Take Sanga. Gahi Gahi Kapi Mardai Nij Amga..
Tinhahi Nipati Tahi San Baaja. Bhire Jugal Manahun Gaajaraaja.
Muṭhika Mari Chadha Taru Jai. Tahi Ek Chhan Muruchha Ai..
Uṭhi Bahori Kinhisi Bahu Maya. Jiti N Jai Prabhanjan Jaya..
Do0-Brahm Astr Tehin Sandha Kapi Man Kinh Bichara.
Jown N Brahmasar Manaun Mahima Miṭai Apara..19..
Brahmaban Kapi Kahun Tehi Mara. Paratihun Bar Kaṭaku Sanghara..
Tehi Dekha Kapi Muruchhit Bhayauu. Nagapas Bandhesi Lai Gayauu..
Jasu Nam Japi Sunahu Bhavani. Bhav Bandhan Kaṭahin Nar Gyani..
Tasu Duut Ki Bandh Taru Ava. Prabhu Karaaj Lagi Kapihin Bandhava..
Kapi Bandhan Suni Nisichar Dhae. Kowtuk Lagi Sabhan Sab Ae..
Dasamukh Sabha Dikhi Kapi Jai. Kahi N Jai Kachhu Ati Prabhutai..
Kar Joren Sur Disip Binita. Bhṛkuṭi Bilokat Sakal Sabhita..
Dekhi Pratap N Kapi Man Sanka. Jimi Ahigan Mahun Garud Asanka..
Do0-Kapihi Biloki Dasanan Bihasa Kahi Durbada.
Sut Badh Surati Kinhi Puni Upaaja Hṛdayan Bishada..20..
Kah Lankes Kavan Tain Kisa. Kehin Ke Bal Ghalehi Ban Khisa..
Ki Dhown Shravan Sunehi Nahin Mohi. Dekhaun Ati Asank Saṭh Tohi..
Mare Nisichar Kehin Aparadha. Kahu Saṭh Tohi N Pran Kai Badha..
Sun Ravan Brahmanḍ Nikaya. Pai Jasu Bal Birachit Maya..
Jaken Bal Biranchi Hari Isa. Palat Sṛjat Harat Dasasisa.
Ja Bal Sis Dharat Sahasanana. Amḍakos Samet Giri Kanana..
Dharai Jo Bibidh Deh Suratrata. Tumh Te Saṭhanh Sikhavanu Data.
Har Kodanḍ Kaṭhin Jehi Bhanja. Tehi Samet Nṛp Dal Mad Ganja..
Khar Duushan Trisira Aru Bali. Badhe Sakal Atulit Balasali..
Do0-Jake Bal Lavales Ten Jitehu Charachar Jhari.
Tasu Duut Main Ja Kari Hari Anehu Priy Nari..21..
Janaun Main Tumhari Prabhutai. Sahasabahu San Pari Larai..
Samar Bali San Kari Jasu Pava. Suni Kapi Bachan Bihasi Biharava..
Khayaun Phal Prabhu Lagi Bhuunkha. Kapi Subhav Ten Toreun Ruukha..
Sab Ken Deh Param Priy Svami. Marahin Mohi Kumarag Gami..
Jinh Mohi Mara Te Main Mare. Tehi Par Bandheu Tanayan Tumhare..
Mohi N Kachhu Bandhe Kai Laaja. Kinh Chahaun Nij Prabhu Kar Kaaja..
Binati Karaun Jori Kar Ravana. Sunahu Man Taaji Mor Sikhavana..
Dekhahu Tumh Nij Kulahi Bichari. Bhram Taaji Bhaajahu Bhagat Bhay Hari..
Jaken Ḍar Ati Kal Ḍerai. Jo Sur Asur Charachar Khai..
Tason Bayaru Kabahun Nahin Kijai. More Kahen Janaki Dijai..
Do0-Pranatapal Raghunayak Karuna Sindhu Kharari.
Gaen Saran Prabhu Rakhihain Tav Aparadh Bisari..22..
Ram Charan Pankaaj Ur Dharahuu. Lanka Achal Raaj Tumh Karahuu..
Rishi Pulist Jasu Bimal Mamyaka. Tehi Sasi Mahun Jani Hohu Kalanka..
Ram Nam Binu Gira N Soha. Dekhu Bichari Tyagi Mad Moha..
Basan Hin Nahin Soh Surari. Sab Bhuushaṇ Bhuushit Bar Nari..
Ram Bimukh Sampati Prabhutai. Jai Rahi Pai Binu Pai..
Saajal Muul Jinh Saritanh Nahin. Barashi Gae Puni Tabahin Sukhahin..
Sunu Dasakanṭh Kahaun Pan Ropi. Bimukh Ram Trata Nahin Kopi..
Sankar Sahas Bishnu Aaj Tohi. Sakahin N Rakhi Ram Kar Drohi..
Do0-Mohamuul Bahu Suul Prad Tyagahu Tam Abhimana.
Bhaajahu Ram Raghunayak Kṛpa Sindhu Bhagavana..23..
Jadapi Kahi Kapi Ati Hit Bani. Bhagati Bibek Birati Nay Sani..
Bola Bihasi Maha Abhimani. Mila Hamahi Kapi Gur Bad Gyani..
Mṛtyu Nikaṭ Ai Khal Tohi. Lagesi Adham Sikhavan Mohi..
Ulaṭa Hoihi Kah Hanumana. Matibhram Tor Pragaṭ Main Jana..
Suni Kapi Bachan Bahut Khisiana. Begi N Harahun Muudh Kar Prana..
Sunat Nisachar Maran Dhae. Sachivanh Sahit Bibhishanu Ae.
Nai Sis Kari Binay Bahuuta. Niti Birodh N Maria Duuta..
An Danḍ Kachhu Karia Gosani. Sabahin Kaha Mantr Bhal Bhai..
Sunat Bihasi Bola Dasakandhara. Amg Bhang Kari Paṭhaia Bandara..
Do–Kapi Ken Mamata Puunchh Par Sabahi Kahaun Samujhai.
Tel Bori Paṭ Bandhi Puni Pavak Dehu Lagai..24..
Puunchhahin Banar Tahan Jaihi. Tab Saṭh Nij Nathahi Lai Aihi..
Jinh Kai Kinhasi Bahut Badai. Dekheun Main Tinh Kai Prabhutai..
Bachan Sunat Kapi Man Musukana. Bhai Sahay Sarad Main Jana..
Jatudhan Suni Ravan Bachana. Lage Rachain Muudh Soi Rachana..
Raha N Nagar Basan Ghṛt Tela. Badhi Puunchh Kinh Kapi Khela..
Kowtuk Kahan Ae Purabasi. Marahin Charan Karahin Bahu Hansi..
Baajahin Ḍhol Dehin Sab Tari. Nagar Pheri Puni Puunchh Praajari..
Pavak Jarat Dekhi Hanumanta. Bhayau Param Laghu Rup Turanta..
Nibuki Chadheu Kapi Kanak Aṭarin. Bhai Sabhit Nisachar Narin..
Do0-Hari Prerit Tehi Avasar Chale Marut Unachasa.
Aṭṭahas Kari Garj Kapi Badhi Lag Akasa..25..
Deh Bisal Param Haruai. Mandir Ten Mandir Chadh Dhai..
Jarai Nagar Bha Log Bihala. Jhapaṭ Lapaṭ Bahu Koṭi Karala..
Tat Matu Ha Sunia Pukara. Ehi Avasar Ko Hamahi Ubara..
Ham Jo Kaha Yah Kapi Nahin Hoi. Banar Ruup Dharen Sur Koi..
Sadhu Avagya Kar Phalu Aisa. Jarai Nagar Anath Kar Jaisa..
Jara Nagaru Nimish Ek Mahin. Ek Bibhishan Kar Gṛh Nahin..
Ta Kar Duut Anal Jehin Sirija. Jara N So Tehi Karan Girija..
Ulaṭi Palaṭi Lanka Sab Jari. Kuudi Para Puni Sindhu Maajhari..
Do0-Puunchh Bujhai Khoi Shram Dhari Laghu Ruup Bahori.
Janakasuta Ke Agen Ṭhadh Bhayau Kar Jori..26..
Matu Mohi Dije Kachhu Chinha. Jaisen Raghunayak Mohi Dinha..
Chuudamani Utari Tab Dayauu. Harash Samet Pavanasut Layauu..
Kahehu Tat As Mor Pranama. Sab Prakar Prabhu Puuranakama..
Din Dayal Biridu Sambhari. Harahu Nath Mam Sankaṭ Bhari..
Tat Sakrasut Katha Sunaehu. Ban Pratap Prabhuhi Samujhaehu..
Mas Divas Mahun Nathu N Ava. Tow Puni Mohi Jiat Nahin Pava..
Kahu Kapi Kehi Bidhi Rakhown Prana. Tumhahuu Tat Kahat Ab Jana..
Tohi Dekhi Sitali Bhai Chhati. Puni Mo Kahun Soi Dinu So Rati..
Do0-Janakasutahi Samujhai Kari Bahu Bidhi Dhiraaju Dinha.
Charan Kamal Siru Nai Kapi Gavanu Ram Pahin Kinha..27..
Chalat Mahadhuni Garjesi Bhari. Garbh Stravahin Suni Nisichar Nari..
Naghi Sindhu Ehi Parahi Ava. Sabad Kilakila Kapinh Sunava..
Harashe Sab Biloki Hanumana. Nuutan Janm Kapinh Tab Jana..
Mukh Prasann Tan Tej Biraaja. Kinhesi Ramachandr Kar Kaaja..
Mile Sakal Ati Bhae Sukhari. Talaphat Min Pav Jimi Bari..
Chale Harashi Raghunayak Pasa. Puunchhat Kahat Naval Itihasa..
Tab Madhuban Bhitar Sab Ae. Amgad Sammat Madhu Phal Khae..
Rakhavare Jab Baraajan Lage. Mushṭi Prahar Hanat Sab Bhage..
Do0-Jai Pukare Te Sab Ban Ujar Jubaraaja.
Suni Sugriv Harash Kapi Kari Ae Prabhu Kaaja..28..
Jown N Hoti Sita Sudhi Pai. Madhuban Ke Phal Sakahin Ki Khai..
Ehi Bidhi Man Bichar Kar Raaja. Ai Gae Kapi Sahit Samaaja..
Ai Sabanhi Nava Pad Sisa. Mileu Sabanhi Ati Prem Kapisa..
Puunchhi Kusal Kusal Pad Dekhi. Ram Kṛpan Bha Kaaju Biseshi..
Nath Kaaju Kinheu Hanumana. Rakhe Sakal Kapinh Ke Prana..
Suni Sugriv Bahuri Tehi Mileuu. Kapinh Sahit Raghupati Pahin Chaleuu.
Ram Kapinh Jab Avat Dekha. Kien Kaaju Man Harash Bisesha..
Phaṭik Sila Baiṭhe Dvow Bhai. Pare Sakal Kapi Charananhi Jai..
Do0-Priti Sahit Sab Bheṭe Raghupati Karuna Punja.
Puunchhi Kusal Nath Ab Kusal Dekhi Pad Kanja..29..
Jamavant Kah Sunu Raghuraya. Ja Par Nath Karahu Tumh Daya..
Tahi Sada Subh Kusal Nirantara. Sur Nar Muni Prasann Ta Uupara..
Soi Bijai Binai Gun Sagara. Tasu Sujasu Trelok Ujagara..
Prabhu Kin Kṛpa Bhayau Sabu Kaajuu. Janm Hamar Suphal Bha Aajuu..
Nath Pavanasut Kinhi Jo Karani. Sahasahun Mukh N Jai So Barani..
Pavanatanay Ke Charit Suhae. Jamavant Raghupatihi Sunae..
Sunat Kṛpanidhi Man Ati Bhae. Puni Hanuman Harashi Hiyan Lae..
Kahahu Tat Kehi Bhanti Janaki. Rahati Karati Rachchha Svapran Ki..
Do0-Nam Paharu Divas Nisi Dhyan Tumhar Kapaṭa.
Lochan Nij Pad Jantrit Jahin Pran Kehin Baṭa..30..
Chalat Mohi Chuudamani Dinhi. Raghupati Hṛdayan Lai Soi Linhi..
Nath Jugal Lochan Bhari Bari. Bachan Kahe Kachhu Janakakumari..
Anuj Samet Gahehu Prabhu Charana. Din Bandhu Pranatarati Harana..
Man Kram Bachan Charan Anuragi. Kehi Aparadh Nath Hown Tyagi..
Avagun Ek Mor Main Mana. Bichhurat Pran N Kinh Payana..
Nath So Nayananhi Ko Aparadha. Nisarat Pran Karihin Haṭhi Badha..
Birah Agini Tanu Tuul Samira. Svas Jarai Chhan Mahin Sarira..
Nayan Stravahi Jalu Nij Hit Lagi. Jarain N Pav Deh Birahagi.
Sita Ke Ati Bipati Bisala. Binahin Kahen Bhali Dinadayala..
Do0-Nimish Nimish Karunanidhi Jahin Kalap Sam Biti.
Begi Chaliy Prabhu Ania Bhuj Bal Khal Dal Jiti..31..
Suni Sita Dukh Prabhu Sukh Ayana. Bhari Ae Jal Raajiv Nayana..
Bachan Kany Man Mam Gati Jahi. Sapanehun Buujhia Bipati Ki Tahi..
Kah Hanumant Bipati Prabhu Soi. Jab Tav Sumiran Bhaajan N Hoi..
Ketik Bat Prabhu Jatudhan Ki. Ripuhi Jiti Anibi Janaki..
Sunu Kapi Tohi Saman Upakari. Nahin Kou Sur Nar Muni Tanudhari..
Prati Upakar Karown Ka Tora. Sanamukh Hoi N Sakat Man Mora..
Sunu Sut Urin Main Nahin. Dekheun Kari Bichar Man Mahin..
Puni Puni Kapihi Chitav Suratrata. Lochan Nir Pulak Ati Gata..
Do0-Suni Prabhu Bachan Biloki Mukh Gat Harashi Hanumanta.
Charan Pareu Premakul Trahi Trahi Bhagavanta..32..
Bar Bar Prabhu Chahai Uṭhava. Prem Magan Tehi Uṭhab N Bhava..
Prabhu Kar Pankaaj Kapi Ken Sisa. Sumiri So Dasa Magan Gowrisa..
Savadhan Man Kari Puni Sankara. Lage Kahan Katha Ati Sundara..
Kapi Uṭhai Prabhu Hṛdayan Lagava. Kar Gahi Param Nikaṭ Baiṭhava..
Kahu Kapi Ravan Palit Lanka. Kehi Bidhi Daheu Durg Ati Banka..
Prabhu Prasann Jana Hanumana. Bola Bachan Bigat Abhimana..
Sakhamṛg Ke Badi Manusai. Sakha Ten Sakha Par Jai..
Naghi Sindhu Haṭakapur Jara. Nisichar Gan Bidhi Bipin Ujara.
So Sab Tav Pratap Raghurai. Nath N Kachhuu Mori Prabhutai..
Do0- Ta Kahun Prabhu Kachhu Agam Nahin Ja Par Tumh Anukula.
Tab Prabhavan Badavanalahin Jari Sakai Khalu Tuula..33..
Nath Bhagati Ati Sukhadayani. Dehu Kṛpa Kari Anapayani..
Suni Prabhu Param Saral Kapi Bani. Evamastu Tab Kaheu Bhavani..
Uma Ram Subhau Jehin Jana. Tahi Bhaajanu Taaji Bhav N Ana..
Yah Samvad Jasu Ur Ava. Raghupati Charan Bhagati Soi Pava..
Suni Prabhu Bachan Kahahin Kapibṛnda. Jay Jay Jay Kṛpal Sukhakanda..
Tab Raghupati Kapipatihi Bolava. Kaha Chalain Kar Karahu Banava..
Ab Bilambu Kehi Karan Kije. Turat Kapinh Kahun Ayasu Dije..
Kowtuk Dekhi Suman Bahu Barashi. Nabh Ten Bhavan Chale Sur Harashi..
Do0-Kapipati Begi Bolae Ae Juuthap Juutha.
Nana Baran Atul Bal Banar Bhalu Baruutha..34..
Prabhu Pad Pankaaj Navahin Sisa. Garaajahin Bhalu Mahabal Kisa..
Dekhi Ram Sakal Kapi Sena. Chitai Kṛpa Kari Raajiv Naina..
Ram Kṛpa Bal Pai Kapinda. Bhae Pachchhaajut Manahun Girinda..
Harashi Ram Tab Kinh Payana. Sagun Bhae Sundar Subh Nana..
Jasu Sakal Mangalamay Kiti. Tasu Payan Sagun Yah Niti..
Prabhu Payan Jana Baidehin. Pharaki Bam Ang Janu Kahi Dehin..
Joi Joi Sagun Janakihi Hoi. Asagun Bhayau Ravanahi Soi..
Chala Kaṭaku Ko Baranain Para. Garjahi Banar Bhalu Apara..
Nakh Ayudh Giri Padapadhari. Chale Gagan Mahi Ichchhachari..
Keharinad Bhalu Kapi Karahin. Ḍagamagahin Diggaaj Chikkarahin..
Chham0-Chikkarahin Diggaaj Ḍol Mahi Giri Lol Sagar Kharabhare.
Man Harash Sabh Gandharb Sur Muni Nag Kinnar Dukh Ṭare..
Kaṭakaṭahin Markaṭ Bikaṭ Bhaṭ Bahu Koṭi Koṭinh Dhavahin.
Jay Ram Prabal Pratap Kosalanath Gun Gan Gavahin..1..
Sahi Sak N Bhar Udar Ahipati Bar Barahin Mohai.
Gah Dasan Puni Puni Kamaṭh Pṛshṭ Kaṭhor So Kimi Sohai..
Raghubir Ruchir Prayan Prasthiti Jani Param Suhavani.
Janu Kamaṭh Kharpar Sarparaaj So Likhat Abichal Pavani..2..
Do0-Ehi Bidhi Jai Kṛpanidhi Utare Sagar Tira.
Jahan Tahan Lage Khan Phal Bhalu Bipul Kapi Bira..35..
Uhan Nisachar Rahahin Sasanka. Jab Te Jari Gayau Kapi Lanka..
Nij Nij Gṛhan Sab Karahin Bichara. Nahin Nisichar Kul Ker Ubara..
Jasu Duut Bal Barani N Jai. Tehi Aen Pur Kavan Bhalai..
Duutanhi San Suni Puraajan Bani. Mandodari Adhik Akulani..
Rahasi Jori Kar Pati Pag Lagi. Boli Bachan Niti Ras Pagi..
Kant Karash Hari San Pariharahuu. Mor Kaha Ati Hit Hiyan Dharahu..
Samujhat Jasu Duut Kai Karani. Stravahin Garbh Raajanichar Dharani..
Tasu Nari Nij Sachiv Bolai. Paṭhavahu Kant Jo Chahahu Bhalai..
Tab Kul Kamal Bipin Dukhadai. Sita Sit Nisa Sam Ai..
Sunahu Nath Sita Binu Dinhen. Hit N Tumhar Sambhu Aaj Kinhen..
Do0–Ram Ban Ahi Gan Saris Nikar Nisachar Bheka.
Jab Lagi Grasat N Tab Lagi Jatanu Karahu Taaji Ṭeka..36..
Shravan Suni Saṭh Ta Kari Bani. Bihasa Jagat Bidit Abhimani..
Sabhay Subhau Nari Kar Sacha. Mangal Mahun Bhay Man Ati Kacha..
Jown Avai Markaṭ Kaṭakai. Jiahin Bichare Nisichar Khai..
Kampahin Lokap Jaki Trasa. Tasu Nari Sabhit Badi Hasa..
As Kahi Bihasi Tahi Ur Lai. Chaleu Sabhan Mamata Adhikai..
Mandodari Hṛdayan Kar Chinta. Bhayau Kant Par Bidhi Biparita..
Baiṭheu Sabhan Khabari Asi Pai. Sindhu Par Sena Sab Ai..
Buujhesi Sachiv Uchit Mat Kahahuu. Te Sab Hanse Mashṭ Kari Rahahuu..
Jitehu Surasur Tab Shram Nahin. Nar Banar Kehi Lekhe Mahi..
Do0-Sachiv Baid Gur Tini Jown Priy Bolahin Bhay Asa.
Raaj Dharm Tan Tini Kar Hoi Begihin Nasa..37..
Soi Ravan Kahun Bani Sahai. Astuti Karahin Sunai Sunai..
Avasar Jani Bibhishanu Ava. Bhrata Charan Sisu Tehin Nava..
Puni Siru Nai Baiṭh Nij Asana. Bola Bachan Pai Anusasana..
Jow Kṛpal Puunchhihu Mohi Bata. Mati Anurup Kahaun Hit Tata..
Jo Apan Chahai Kalyana. Sujasu Sumati Subh Gati Sukh Nana..
So Paranari Lilar Gosain. Taajau Chauthi Ke Chand Ki Nai..
Chowdah Bhuvan Ek Pati Hoi. Bhuutadroh Tishṭai Nahin Soi..
Gun Sagar Nagar Nar Jouu. Alap Lobh Bhal Kahai N Kouu..
Do0- Kam Krodh Mad Lobh Sab Nath Narak Ke Pantha.
Sab Parihari Raghubirahi Bhaajahu Bhaajahin Jehi Santa..38..
Tat Ram Nahin Nar Bhuupala. Bhuvanesvar Kalahu Kar Kala..
Brahm Anamay Aaj Bhagavanta. Byapak Aajit Anadi Ananta..
Go Dvij Dhenu Dev Hitakari. Kṛpasindhu Manush Tanudhari..
Jan Ranjan Bhanjan Khal Brata. Bed Dharm Rachchhak Sunu Bhrata..
Tahi Bayaru Taaji Naia Matha. Pranatarati Bhanjan Raghunatha..
Dehu Nath Prabhu Kahun Baidehi. Bhaajahu Ram Binu Hetu Sanehi..
Saran Gaen Prabhu Tahu N Tyaga. Bisv Droh Kṛt Agh Jehi Laga..
Jasu Nam Tray Tap Nasavana. Soi Prabhu Pragaṭ Samujhu Jiyan Ravana..
Do0-Bar Bar Pad Lagaun Binay Karaun Dasasisa.
Parihari Man Moh Mad Bhaajahu Kosaladhisa..39(Ka)..
Muni Pulasti Nij Sishy San Kahi Paṭhai Yah Bata.
Turat So Main Prabhu San Kahi Pai Suavasaru Tata..39(Kha)..
Malyavant Ati Sachiv Sayana. Tasu Bachan Suni Ati Sukh Mana..
Tat Anuj Tav Niti Bibhuushana. So Ur Dharahu Jo Kahat Bibhishana..
Ripu Utakarash Kahat Saṭh Douu. Duuri N Karahu Ihan Hai Kouu..
Malyavant Gṛh Gayau Bahori. Kahai Bibhishanu Puni Kar Jori..
Sumati Kumati Sab Ken Ur Rahahin. Nath Puran Nigam As Kahahin..
Jahan Sumati Tahan Sampati Nana. Jahan Kumati Tahan Bipati Nidana..
Tav Ur Kumati Basi Biparita. Hit Anahit Manahu Ripu Prita..
Kalarati Nisichar Kul Keri. Tehi Sita Par Priti Ghaneri..
Do0-Tat Charan Gahi Magaun Rakhahu Mor Dulara.
Sit Dehu Ram Kahun Ahit N Hoi Tumhara..40..
Budh Puran Shruti Sammat Bani. Kahi Bibhishan Niti Bakhani..
Sunat Dasanan Uṭha Risai. Khal Tohi Nikaṭ Mutyu Ab Ai..
Jiasi Sada Saṭh Mor Jiava. Ripu Kar Pachchh Muudh Tohi Bhava..
Kahasi N Khal As Ko Jag Mahin. Bhuj Bal Jahi Jita Main Nahi..
Mam Pur Basi Tapasinh Par Priti. Saṭh Milu Jai Tinhahi Kahu Niti..
As Kahi Kinhesi Charan Prahara. Anuj Gahe Pad Barahin Bara..
Uma Sant Kai Ihai Badai. Mand Karat Jo Karai Bhalai..
Tumh Pitu Saris Bhalehin Mohi Mara. Ramu Bhaajen Hit Nath Tumhara..
Sachiv Sang Lai Nabh Path Gayauu. Sabahi Sunai Kahat As Bhayauu..
Do0=Ramu Satyasankalp Prabhu Sabha Kalabas Tori.
Mai Raghubir Saran Ab Jaun Dehu Jani Khori..41..
As Kahi Chala Bibhishanu Jabahin. Ayuuhin Bhae Sab Tabahin..
Sadhu Avagya Turat Bhavani. Kar Kalyan Akhil Kai Hani..
Ravan Jabahin Bibhishan Tyaga. Bhayau Bibhav Binu Tabahin Abhaga..
Chaleu Harashi Raghunayak Pahin. Karat Manorath Bahu Man Mahin..
Dekhihaun Jai Charan Jalaajata. Arun Mṛdul Sevak Sukhadata..
Je Pad Parasi Tari Rishinari. Danḍak Kanan Pavanakari..
Je Pad Janakasutan Ur Lae. Kapaṭ Kurang Sang Dhar Dhae..
Har Ur Sar Saroj Pad Jei. Ahobhagy Mai Dekhihaun Tei..
Do0= Jinh Payanh Ke Padukanhi Bharatu Rahe Man Lai.
Te Pad Aaju Bilokihaun Inh Nayananhi Ab Jai..42..
Ehi Bidhi Karat Saprem Bichara. Ayau Sapadi Sindhu Ehin Para..
Kapinh Bibhishanu Avat Dekha. Jana Kou Ripu Duut Bisesha..
Tahi Rakhi Kapis Pahin Ae. Samachar Sab Tahi Sunae..
Kah Sugriv Sunahu Raghurai. Ava Milan Dasanan Bhai..
Kah Prabhu Sakha Buujhiai Kaha. Kahai Kapis Sunahu Naranaha..
Jani N Jai Nisachar Maya. Kamaruup Kehi Karan Aya..
Bhed Hamar Len Saṭh Ava. Rakhia Bandhi Mohi As Bhava..
Sakha Niti Tumh Niki Bichari. Mam Pan Saranagat Bhayahari..
Suni Prabhu Bachan Harash Hanumana. Saranagat Bachchhal Bhagavana..
Do0=Saranagat Kahun Je Taajahin Nij Anahit Anumani.
Te Nar Pavanr Papamay Tinhahi Bilokat Hani..43..
Koṭi Bipr Badh Lagahin Jahuu. Aen Saran Taajaun Nahin Tahuu..
Sanamukh Hoi Jiv Mohi Jabahin. Janm Koṭi Agh Nasahin Tabahin..
Papavant Kar Sahaaj Subhauu. Bhaajanu Mor Tehi Bhav N Kauu..
Jown Pai Dushṭahaday Soi Hoi. Moren Sanamukh Av Ki Soi..
Nirmal Man Jan So Mohi Pava. Mohi Kapaṭ Chhal Chhidr N Bhava..
Bhed Len Paṭhava Dasasisa. Tabahun N Kachhu Bhay Hani Kapisa..
Jag Mahun Sakha Nisachar Jete. Lachhimanu Hanai Nimish Mahun Tete..
Jown Sabhit Ava Saranai. Rakhihaun Tahi Pran Ki Nai..
Do0=Ubhay Bhanti Tehi Anahu Hansi Kah Kṛpaniketa.
Jay Kṛpal Kahi Chale Amgad Hanuu Sameta..44..
Sadar Tehi Agen Kari Banara. Chale Jahan Raghupati Karunakara..
Duurihi Te Dekhe Dvow Bhrata. Nayananand Dan Ke Data..
Bahuri Ram Chhabidham Biloki. Raheu Ṭhaṭuki Ekaṭak Pal Roki..
Bhuj Pralamb Kanjarun Lochana. Syamal Gat Pranat Bhay Mochana..
Singh Kandh Ayat Ur Soha. Anan Amit Madan Man Moha..
Nayan Nir Pulakit Ati Gata. Man Dhari Dhir Kahi Mṛdu Bata..
Nath Dasanan Kar Main Bhrata. Nisichar Bams Janam Suratrata..
Sahaaj Papapriy Tamas Deha. Jatha Uluukahi Tam Par Neha..
Do0-Shravan Sujasu Suni Ayaun Prabhu Bhanjan Bhav Bhira.
Trahi Trahi Arati Haran Saran Sukhad Raghubira..45..
As Kahi Karat Danḍavat Dekha. Turat Uṭhe Prabhu Harash Bisesha..
Din Bachan Suni Prabhu Man Bhava. Bhuj Bisal Gahi Hṛdayan Lagava..
Anuj Sahit Mili Ḍhig Baiṭhari. Bole Bachan Bhagat Bhayahari..
Kahu Lankes Sahit Parivara. Kusal Kuṭhahar Bas Tumhara..
Khal Manḍalin Basahu Dinu Rati. Sakha Dharam Nibahai Kehi Bhanti..
Main Janaun Tumhari Sab Riti. Ati Nay Nipun N Bhav Aniti..
Baru Bhal Bas Narak Kar Tata. Dushṭ Sang Jani Dei Bidhata..
Ab Pad Dekhi Kusal Raghuraya. Jown Tumh Kinh Jani Jan Daya..
Do0-Tab Lagi Kusal N Jiv Kahun Sapanehun Man Bishrama.
Jab Lagi Bhaajat N Ram Kahun Sok Dham Taaji Kama..46..
Tab Lagi Hṛdayan Basat Khal Nana. Lobh Moh Machchhar Mad Mana..
Jab Lagi Ur N Basat Raghunatha. Dharen Chap Sayak Kaṭi Bhatha..
Mamata Tarun Tami Andhiari. Rag Dvesh Uluuk Sukhakari..
Tab Lagi Basati Jiv Man Mahin. Jab Lagi Prabhu Pratap Rabi Nahin..
Ab Main Kusal Miṭe Bhay Bhare. Dekhi Ram Pad Kamal Tumhare..
Tumh Kṛpal Ja Par Anukuula. Tahi N Byap Tribidh Bhav Suula..
Main Nisichar Ati Adham Subhauu. Subh Acharanu Kinh Nahin Kauu..
Jasu Ruup Muni Dhyan N Ava. Tehin Prabhu Harashi Hṛdayan Mohi Lava..
Do0–Ahobhagy Mam Amit Ati Ram Kṛpa Sukh Punja.
Dekheun Nayan Biranchi Sib Seby Jugal Pad Kanja..47..
Sunahu Sakha Nij Kahaun Subhauu. Jan Bhusunḍi Sambhu Girijauu..
Jown Nar Hoi Charachar Drohi. Ave Sabhay Saran Taki Mohi..
Taaji Mad Moh Kapaṭ Chhal Nana. Karaun Sady Tehi Sadhu Samana..
Janani Janak Bandhu Sut Dara. Tanu Dhanu Bhavan Suhrad Parivara..
Sab Kai Mamata Tag Baṭori. Mam Pad Manahi Bandh Bari Ḍori..
Samadarasi Ichchha Kachhu Nahin. Harash Sok Bhay Nahin Man Mahin..
As Saajjan Mam Ur Bas Kaisen. Lobhi Hṛdayan Basai Dhanu Jaisen..
Tumh Sarikhe Sant Priy Moren. Dharaun Deh Nahin An Nihoren..
Do0- Sagun Upasak Parahit Nirat Niti Dṛdh Nema.
Te Nar Pran Saman Mam Jinh Ken Dvij Pad Prema..48..
Sunu Lankes Sakal Gun Toren. Taten Tumh Atisay Priy Moren..
Ram Bachan Suni Banar Juutha. Sakal Kahahin Jay Kṛpa Baruutha..
Sunat Bibhishanu Prabhu Kai Bani. Nahin Aghat Shravanamṛt Jani..
Pad Ambuj Gahi Barahin Bara. Hṛdayan Samat N Premu Apara..
Sunahu Dev Sacharachar Svami. Pranatapal Ur Amtaraajami..
Ur Kachhu Pratham Basana Rahi. Prabhu Pad Priti Sarit So Bahi..
Ab Kṛpal Nij Bhagati Pavani. Dehu Sada Siv Man Bhavani..
Evamastu Kahi Prabhu Ranadhira. Maga Turat Sindhu Kar Nira..
Jadapi Sakha Tav Ichchha Nahin. Mor Darasu Amogh Jag Mahin..
As Kahi Ram Tilak Tehi Sara. Suman Bṛshṭi Nabh Bhai Apara..
Do0-Ravan Krodh Anal Nij Svas Samir Prachanḍa.
Jarat Bibhishanu Rakheu Dinhehu Raaju Akhanḍa..49(Ka)..
Jo Sampati Siv Ravanahi Dinhi Dien Das Matha.
Soi Sampada Bibhishanahi Sakuchi Dinh Raghunatha..49(Kha)..
As Prabhu Chhadi Bhaajahin Je Ana. Te Nar Pasu Binu Puunchh Bishana..
Nij Jan Jani Tahi Apanava. Prabhu Subhav Kapi Kul Man Bhava..
Puni Sarbagy Sarb Ur Basi. Sarbaruup Sab Rahit Udasi..
Bole Bachan Niti Pratipalaka. Karan Manuj Danuj Kul Ghalaka..
Sunu Kapis Lankapati Bira. Kehi Bidhi Taria Jaladhi Gambhira..
Sankul Makar Urag Jhash Jati. Ati Agadh Dustar Sab Bhanti..
Kah Lankes Sunahu Raghunayaka. Koṭi Sindhu Soshak Tav Sayaka..
Jadyapi Tadapi Niti Asi Gai. Binay Karia Sagar San Jai..
Do0-Prabhu Tumhar Kulagur Jaladhi Kahihi Upay Bichari.
Binu Prayas Sagar Tarihi Sakal Bhalu Kapi Dhari..50..
Sakha Kahi Tumh Niki Upai. Karia Daiv Jown Hoi Sahai..
Mantr N Yah Lachhiman Man Bhava. Ram Bachan Suni Ati Dukh Pava..
Nath Daiv Kar Kavan Bharosa. Soshia Sindhu Karia Man Rosa..
Kadar Man Kahun Ek Adhara. Daiv Daiv Alasi Pukara..
Sunat Bihasi Bole Raghubira. Aisehin Karab Dharahu Man Dhira..
As Kahi Prabhu Anujahi Samujhai. Sindhu Samip Gae Raghurai..
Pratham Pranam Kinh Siru Nai. Baiṭhe Puni Taṭ Darbh Ḍasai..
Jabahin Bibhishan Prabhu Pahin Ae. Pachhen Ravan Duut Paṭhae..
Do0-Sakal Charit Tinh Dekhe Dharen Kapaṭ Kapi Deha.
Prabhu Gun Hṛdayan Sarahahin Saranagat Par Neha..51..
Pragaṭ Bakhanahin Ram Subhauu. Ati Saprem Ga Bisari Durauu..
Ripu Ke Duut Kapinh Tab Jane. Sakal Bandhi Kapis Pahin Ane..
Kah Sugriv Sunahu Sab Banara. Amg Bhang Kari Paṭhavahu Nisichara..
Suni Sugriv Bachan Kapi Dhae. Bandhi Kaṭak Chahu Pas Phirae..
Bahu Prakar Maran Kapi Lage. Din Pukarat Tadapi N Tyage..
Jo Hamar Har Nasa Kana. Tehi Kosaladhis Kai Ana..
Suni Lachhiman Sab Nikaṭ Bolae. Daya Lagi Hansi Turat Chhoḍae..
Ravan Kar Dijahu Yah Pati. Lachhiman Bachan Bachu Kulaghati..
Do0-Kahehu Mukhagar Muudh San Mam Sandesu Udara.
Sita Dei Milehu N T Ava Kal Tumhara..52..
Turat Nai Lachhiman Pad Matha. Chale Duut Baranat Gun Gatha..
Kahat Ram Jasu Lankan Ae. Ravan Charan Sis Tinh Nae..
Bihasi Dasanan Puunchhi Bata. Kahasi N Suk Apani Kusalata..
Puni Kahu Khabari Bibhishan Keri. Jahi Mṛtyu Ai Ati Neri..
Karat Raaj Lanka Saṭh Tyagi. Hoihi Jab Kar Kiṭ Abhagi..
Puni Kahu Bhalu Kis Kaṭakai. Kaṭhin Kal Prerit Chali Ai..
Jinh Ke Jivan Kar Rakhavara. Bhayau Mṛdul Chit Sindhu Bichara..
Kahu Tapasinh Kai Bat Bahori. Jinh Ke Hṛdayan Tras Ati Mori..
Do0–Ki Bhai Bhenṭ Ki Phiri Gae Shravan Sujasu Suni Mora.
Kahasi N Ripu Dal Tej Bal Bahut Chakit Chit Tora..53..
Nath Kṛpa Kari Puunchhehu Jaisen. Manahu Kaha Krodh Taaji Taisen..
Mila Jai Jab Anuj Tumhara. Jatahin Ram Tilak Tehi Sara..
Ravan Duut Hamahi Suni Kana. Kapinh Bandhi Dinhe Dukh Nana..
Shravan Nasika Kaṭai Lage. Ram Sapath Dinhe Ham Tyage..
Puunchhihu Nath Ram Kaṭakai. Badan Koṭi Sat Barani N Jai..
Nana Baran Bhalu Kapi Dhari. Bikaṭanan Bisal Bhayakari..
Jehin Pur Daheu Hateu Sut Tora. Sakal Kapinh Mahan Tehi Balu Thora..
Amit Nam Bhaṭ Kaṭhin Karala. Amit Nag Bal Bipul Bisala..
Do0-Dvibid Mayand Nil Nal Amgad Gad Bikaṭasi.
Dadhimukh Kehari Nisaṭh Saṭh Jamavant Balarasi..54..
E Kapi Sab Sugriv Samana. Inh Sam Koṭinh Ganai Ko Nana..
Ram Kṛpan Atulit Bal Tinhahin. Tṛn Saman Trelokahi Ganahin..
As Main Suna Shravan Dasakandhara. Padum Aṭharah Juuthap Bandara..
Nath Kaṭak Mahan So Kapi Nahin. Jo N Tumhahi Jitai Ran Mahin..
Param Krodh Mijahin Sab Hatha. Ayasu Pai N Dehin Raghunatha..
Soshahin Sindhu Sahit Jhash Byala. Puurahin N T Bhari Kudhar Bisala..
Mardi Gard Milavahin Dasasisa. Aisei Bachan Kahahin Sab Kisa..
Garjahin Tarjahin Sahaaj Asanka. Manahu Grasan Chahat Hahin Lanka..
Do0–Sahaaj Suur Kapi Bhalu Sab Puni Sir Par Prabhu Rama.
Ravan Kal Koṭi Kahu Jiti Sakahin Sangrama..55..
Ram Tej Bal Budhi Bipulai.Tab Bhratahi Puunchheu Nay Nagara..
Tasu Bachan Suni Sagar Pahin.Magat Panth Kṛpa Man Mahin..
Sunat Bachan Bihasa Dasasisa.Jown Asi Mati Sahay Kṛt Kisa..
Sahaaj Bhiru Kar Bachan Dṛdhai.Sagar San Ṭhani Machalai..
Muudh Mṛsha Ka Karasi Badai.Ripu Bal Buddhi Thah Main Pai..
Sachiv Sabhit Bibhishan Jaken.Bijay Bibhuuti Kahan Jag Taken..
Suni Khal Bachan Duut Ris Badhi.Samay Bichari Patrika Kadhi..
Ramanuj Dinhi Yah Pati.Nath Bachai Judavahu Chhati..
Bihasi Bam Kar Linhi Ravana.Sachiv Boli Saṭh Lag Bachavana..
Do0–Batanh Manahi Rijhai Saṭh Jani Ghalasi Kul Khisa.
Ram Birodh N Ubarasi Saran Bishnu Aaj Isa..56(Ka)..
Ki Taaji Man Anuj Iv Prabhu Pad Pankaaj Bhṛnga.
Hohi Ki Ram Saranal Khal Kul Sahit Patanga..56(Kha)..
Sunat Sabhay Man Mukh Musukai.Kahat Dasanan Sabahi Sunai..
Bhuumi Para Kar Gahat Akasa.Laghu Tapas Kar Bag Bilasa..
Kah Suk Nath Saty Sab Bani.Samujhahu Chhadi Prakṛti Abhimani..
Sunahu Bachan Mam Parihari Krodha.Nath Ram San Taajahu Birodha..
Ati Komal Raghubir Subhauu.Jadyapi Akhil Lok Kar Rauu..
Milat Kṛpa Tumh Par Prabhukarihi. Ur Aparadh N Ekau Dharihi..
Janakasuta Raghunathahi Dije.Etana Kaha Mor Prabhu Kije.
Jab Tehin Kaha Den Baidehi.Charan Prahar Kinh Saṭh Tehi..
Nai Charan Siru Chala So Tahan.Kṛpasindhu Raghunayak Jahan..
Kari Pranamu Nij Katha Sunai.Ram Kṛpan Apani Gati Pai..
Rishi Agasti Kin Sap Bhavani.Rachhas Bhayau Raha Muni Gyani..
Bandi Ram Pad Barahin Bara.Muni Nij Ashram Kahun Pagu Dhara..
Do0-Binay N Manat Jaladhi Jad Gae Tin Din Biti.
Bole Ram Sakop Tab Bhay Binu Hoi N Priti..57..
Lachhiman Ban Sarasan Anuu. Soshown Baridhi Bisikh Kṛsanuu..
Saṭh San Binay Kuṭil San Priti.Sahaaj Kṛpan San Sundar Niti..
Mamata Rat San Gyan Kahani.Ati Lobhi San Birati Bakhani..
Krodhihi Sam Kamihi Hari Katha. Uusar Bij Baen Phal Jatha..
As Kahi Raghupati Chap Chadhava.Yah Mat Lachhiman Ke Man Bhava..
Sanghaneu Prabhu Bisikh Karala.Uṭhi Udadhi Ur Amtar Jvala..
Makar Urag Jhash Gan Akulane.Jarat Jantu Jalanidhi Jab Jane..
Kanak Thar Bhari Mani Gan Nana.Bipr Ruup Ayau Taaji Mana..
Do0-Kaṭehin Pai Kadari Pharaikoṭi Jatan Kou Sincha.
Binay N Man Khages Sunu Ḍaṭehin Pai Nav Nicha..58..
Sabhay Sindhu Gahi Pad Prabhu Kere. Chhamahu Nath Sab Avagun Mere..
Gagan Samir Anal Jal Dharani. Inh Kai Nath Sahaaj Jad Karani..
Tav Prerit Mayan Upaajae.Sṛshṭi Hetu Sab Granthani Gae..
Prabhu Ayasu Jehi Kahan Jas Ahai. So Tehi Bhanti Rahe Sukh Lahai..
Prabhu Bhal Kinhi Mohi Sikh Dinhi. Maraajada Puni Tumhari Kinhi..
Ḍhol Gavanr Suudr Pasu Nari.Sakal Tadana Ke Adhikari..
Prabhu Pratap Main Jab Sukhai.Utarihi Kaṭaku N Mori Badai..
Prabhu Agya Apel Shruti Gai. Karown So Begi Jow Tumhahi Sohai..
Do0-Sunat Binit Bachan Ati Kah Kṛpal Musukai.
Jehi Bidhi Utarai Kapi Kaṭaku Tat So Kahahu Upai..59..
Nath Nil Nal Kapi Dvow Bhai.Larikai Rishi Asish Pai..
Tinh Ke Paras Kien Giri Bhare. Tarihahin Jaladhi Pratap Tumhare..
Main Puni Ur Dhari Prabhu Prabhutai.Karihaun Bal Anuman Sahai..
Ehi Bidhi Nath Payodhi Bandhaia.Jehin Yah Sujasu Lok Tihun Gaia..
Ehi Sar Mam Uttar Taṭ Basi.Hatahu Nath Khal Nar Agh Rasi..
Suni Kṛpal Sagar Man Pira.Turatahin Hari Ram Ranadhira..
Dekhi Ram Bal Powrush Bhari.Harashi Payonidhi Bhayau Sukhari..
Sakal Charit Kahi Prabhuhi Sunava.Charan Bandi Pathodhi Sidhava..
Chham0-Nij Bhavan Gavaneu Sindhu Shriraghupatihi Yah Mat Bhayauu.
Yah Charit Kali Malahar Jathamati Das Tulasi Gayauu..
Sukh Bhavan Samsay Saman Davan Bishad Raghupati Gun Gana..
Taaji Sakal As Bharos Gavahi Sunahi Santat Saṭh Mana..
Do0-Sakal Sumangal Dayak Raghunayak Gun Gana.
Sadar Sunahin Te Tarahin Bhav Sindhu Bina Jalaajana..60..
Siyavar Ram Jay Jay Ram Mere Prabhu Ram Jay Jay Ram
Writer :- Traditional