M- श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
जय हनुमान ज्ञान गुन सागर।
जय कपीस तिहुं लोक उजागर।।
रामदूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुंडल कुंचित केसा।।
हाथ बज्र औ ध्वजा बिराजै।
कांधे मूंज जनेऊ साजै।
संकर सुवन केसरीनंदन।
तेज प्रताप महा जग बन्दन।।
विद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचंद्र के काज संवारे।।
लाय सजीवन लखन जियाये।
श्रीरघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेस्वर भए सब जग जाना।।
जुग सहस्र जोजन पर भानू।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूत पिसाच निकट नहिं आवै।
महाबीर जब नाम सुनावै।।
नासै रोग हरै सब पीरा।
जपत निरंतर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।
और मनोरथ जो कोई लावै।
सोइ अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु-संत के तुम रखवारे।
असुर निकंदन राम दुलारे।।
अष्ट सिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुम्हरे भजन राम को पावै।
जनम-जनम के दुख बिसरावै।।
अन्तकाल रघुबर पुर जाई।
जहां जन्म हरि-भक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जै जै जै हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय मंह डेरा।।
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
लेखक :- Traditional
M- Shriguru Charan Saroj Raj, Nij Manu Mukuru Sudhari.
Baranaun Raghubar Bimal Jasu, Jo Dayaku Phal Chari..
Buddhihin Tanu Janike, Sumiraun Pavan-Kumara.
Bal Buddhi Bidya Dehu Mohin, Harahu Kales Bikara..
Jay Hanuman Gyan Gun Sagara.
Jay Kapis Tihun Lok Ujagara..
Ramadut Atulit Bal Dhama.
Anjani-Putr Pavanasut Naama..
Mahabir Bikram Bajarangi.
Kumati Nivar Sumati Ke Sangi..
Kanchan Baran Biraj Subesa.
Kanan Kundal Kunchit Kesa..
Hath Bajr Aau Dhvaja Birajai.
Kandhe Munj Janeu Sajai.
Sankar Suvan Kesarinandana.
Tej Pratap Maha Jag Bandana..
Vidyavan Guni Ati Chatura.
Ram Kaj Karibe Ko Atura..
Prabhu Charitr Sunibe Ko Rasiya.
Ram Lakhan Sita Man Basiya..
Sukshm Rup Dhari Siyahin Dikhava.
Bikat Rup Dhari Lank Jarava..
Bhim Rup Dhari Asur Samhare.
Ramachandr Ke Kaj Samvare..
Lay Sajivan Lakhan Jiyaye.
Shriraghubir Harashi Ur Laye..
Raghupati Kinhi Bahut Badai.
Tum Mam Priy Bharatahi Sam Bhai..
Sahas Badan Tumharo Jas Gavain.
Aas Kahi Shripati Kanth Lagavain..
Sanakadik Brahmadi Munisa.
Narad Sarad Sahit Ahisa..
Jam Kuber Digapal Jahan Te.
Kabi Kobid Kahi Sake Kahan Te..
Tum Upakar Sugrivahin Kinha.
Ram Milay Raj Pad Dinha..
Tumharo Mantr Bibhishan Mana.
Lankesvar Bhae Sab Jag Jana..
Jug Sahasr Jojan Par Bhanu.
Lilyo Tahi Madhur Phal Janu..
Prabhu Mudrika Meli Mukh Mahin.
Jaladhi Langhi Gaye Acharaj Nahin..
Durgam Kaj Jagat Ke Jete.
Sugam Anugrah Tumhare Tete..
Ram Duare Tum Rakhavare.
Hot N Agyan Binu Paisare..
Sab Sukh Lahai Tumhari Sarana.
Tum Rakshak Kahu Ko Dar Na..
Apan Tej Sanharo Apai.
Tinon Lok Hank Ten Kanpai..
Bhut Pisach Nikat Nahin Avai.
Mahabir Jab Naam Sunavai..
Nasai Rog Harai Sab Pira.
Japat Nirantar Hanumat Bira..
Sankat Te Hanuman Chhudavai.
Man Kram Bachan Dhyan Jo Lavai..
Sab Par Ram Tapasvi Raja.
Tin Ke Kaj Sakal Tum Saja.
Aur Manorath Jo Koi Lavai.
Soi Amit Jivan Phal Pavai..
Charon Jug Paratap Tumhara.
Hai Parasiddh Jagat Ujiyara..
Sadhu-Sant Ke Tum Rakhavare.
Asur Nikandan Ram Dulare..
Asht Siddhi Nau Nidhi Ke Data.
As Bar Din Janaki Mata..
Ram Rasayan Tumhare Pasa.
Sada Raho Raghupati Ke Dasa..
Tumhare Bhajan Ram Ko Pavai.
Janaam-Janaam Ke Dukh Bisaravai..
Antakal Raghubar Pur Jai.
Jahan Janm Hari-Bhakt Kahai..
Aur Devata Chitt N Dharai.
Hanumat Sei Sarb Sukh Karai..
Sankat Katai Mitai Sab Pira.
Jo Sumirai Hanumat Balabira..
Jai Jai Jai Hanuman Gosain.
Kripa Karahu Gurudev Ki Nain..
Jo Sat Bar Path Kar Koi.
Chhutahi Bandi Maha Sukh Hoi..
Jo Yah Padhai Hanuman Chalisa.
Hoy Siddhi Sakhi Gaurisa..
Tulasidas Sada Hari Chera.
Kijai Nath Hriday Mamh Dera..
Pavan Tanay Sankat Haran, Mangal Murati Rupa.
Ram Lakhan Sita Sahit, Hriday Basahu Sur Bhupa..
Jay Shri Ram Jay Siya Ram
Writer :- Traditional