बांकी चितवन कटि लचक, बांके चरन रसाल ।
स्वामी श्री हरिदास के बांके बिहारी लाल ।।
।। चौपाई ।।
जै जै जै श्री बाँकेबिहारी । हम आये हैं शरण तिहारी ।।
स्वामी श्री हरिदास के प्यारे । भक्तजनन के नित रखवारे ।।
श्याम स्वरूप मधुर मुसिकाते । बड़े-बड़े नैन नेह बरसाते ।।
पटका पाग पीताम्बर शोभा । सिर सिरपेच देख मन लोभा ।।
तिरछी पाग मोती लर बाँकी । सीस टिपारे सुन्दर झाँकी ।।
मोर पाँख की लटक निराली । कानन कुण्डल लट घुँघराली ।।
नथ बुलाक पै तन-मन वारी । मंद हसन लागै अति प्यारी ।।
तिरछी ग्रीव कण्ठ मनि माला । उर पै गुंजा हार रसाला ।।
काँधे साजे सुन्दर पटका । गोटा किरन मोतिन के लटका ।।
भुज में पहिर अँगरखा झीनौ । कटि काछनी अंग ढक लीनौ ।।
कमर-बांध की लटकन न्यारी । चरन छुपाये श्री बाँकेबिहारी ।।
इकलाई पीछे ते आई । दूनी शोभा दई बढाई ।।
गद्दी सेवा पास बिराजै । श्री हरिदास छवी अतिराजै ।।
घंटी बाजे बजत न आगै । झाँकी परदा पुनि-पुनि लागै ।।
सोने-चाँदी के सिंहासन । छत्र लगी मोती की लटकन ।।
बांके तिरछे सुधर पुजारी । तिनकी हू छवि लागे प्यारी ।।
अतर फुलेल लगाय सिहावैं । गुलाब जल केशर बरसावै ।।
दूध-भात नित भोग लगावैं । छप्पन-भोग भोग में आवैं ।।
मगसिर सुदी पंचमी आई । सो बिहार पंचमी कहाई ।।
आई बिहार पंचमी जबते । आनन्द उत्सव होवैं तबते ।।
बसन्त पाँचे साज बसन्ती । लगै गुलाल पोशाक बसन्ती ।।
होली उत्सव रंग बरसावै । उड़त गुलाल कुमकुमा लावैं ।।
फूल डोल बैठे पिय प्यारी । कुंज विहारिन कुंज बिहारी ।।
जुगल सरूप एक मूरत में । लखौ बिहारी जी मूरत में ।।
श्याम सरूप हैं बाँकेबिहारी । अंग चमक श्री राधा प्यारी ।।
डोल-एकादशी डोल सजावैं । फूल फल छवी चमकावैं ।।
अखैतीज पै चरन दिखावैं । दूर-दूर के प्रेमी आवैं ।।
गर्मिन भर फूलन के बँगला । पटका हार फुलन के झँगला ।।
शीतल भोग , फुहारें चलते । गोटा के पंखा नित झूलते ।।
हरियाली तीजन का झूला । बड़ी भीड़ प्रेमी मन फूला ।।
जन्माष्टमी मंगला आरती । सखी मुदित निज तन-मन वारति ।।
नन्द महोत्सव भीड़ अटूट । सवा प्रहार कंचन की लूट ।।
ललिता छठ उत्सव सुखकारी । राधा अष्टमी की चाव सवारी ।।
शरद चाँदनी मुकट धरावैं । मुरलीधर के दर्शन पावैं ।।
दीप दीवारी हटरी दर्शन । निरखत सुख पावै प्रेमी मन ।।
मन्दिर होते उत्सव नित-नित । जीवन सफल करें प्रेमी चित ।।
जो कोई तुम्हें प्रेम ते ध्यावें। सोई सुख वांछित फल पावैं ।।
तुम हो दिनबन्धु ब्रज-नायक । मैं हूँ दीन सुनो सुखदायक ।।
मैं आया तेरे द्वार भिखारी । कृपा करो श्री बाँकेबिहारी ।।
दिन दुःखी संकट हरते । भक्तन पै अनुकम्पा करते ।।
मैं हूँ सेवक नाथ तुम्हारो । बालक के अपराध बिसारो ।।
मोकूँ जग संकट ने घेरौ । तुम बिन कौन हरै दुख मेरौ ।।
विपदा ते प्रभु आप बचाऔ । कृपा करो मोकूँ अपनाऔ ।।
श्री अज्ञान मंद-मति भारि । दया करो श्री बाँके बिहारी ।।
बाँके बिहारी विनय पचासा । नित्य पढ़ै पावे निज आसा ।।
पढ़ै भाव ते नित प्रति गावैं । दुख दरिद्रता निकट नही आवैं ।।
धन परिवार बढैं व्यापारा । सहज होय भव सागर पारा ।।
कलयुग के ठाकुर रंग राते । दूर-दूर के प्रेमी आते ।।
दर्शन कर निज हृदय सिहाते । अष्ट-सिध्दि नव निधि सुख पाते ।।
मेरे सब दुख हरो दयाला । दूर करो माया जंजाल ।।
दया करो मोकूँ अपनाऔ । कृपा बिन्दु मन में बरसाऔ ।।
।।दोहा।
ऐसी मन कर देउ मैं, निरखूँ श्याम-श्याम।
प्रेम बिन्दु दृग ते झरें, वृन्दावन विश्राम।।
लेखक :- Traditional
Banki Chitavan Kati Lachak, Banke Charan Rasal,
Swami Shri Haridas Ke Banke Bihari Lal,,
,, Chaupai,,
Jai Jai Jai Shri Bankebihari, Ham Aaye Hain Sharan Tihari,,
Swami Shri Haridas Ke Pyare, Bhaktajanan Ke Nit Rakhavare,,
Shyam Svarup Madhur Musikate, Bade-Bade Nain Neh Barasate,,
Pataka Pag Pitambar Shobha, Sir Sirapech Dekh Man Lobha,,
Tirachhi Pag Moti Lar Banki, Sis Tipare Sundar Jhanki,,
Mor Pankh Ki Latak Nirali, Kanan Kunḍal Lat Ghungharali,,
Nath Bulak Pai Tan-Man Vari, Mand Hasan Lagai Ati Pyari,,
Tirachhi Griv Kanth Mani Mala, Ur Pai Gunja Har Rasala,,
Kandhe Saje Sundar Pataka, Gota Kiran Motin Ke Lataka,,
Bhuj Men Pahir Angarakha Jhinau, Kati Kachhani Amg Ḍhak Linau,,
Kamar-Bandh Ki Latakan Nyari, Charan Chhupaye Shri Bankebihari,,
Ikalai Pichhe Te Ai, Duni Shobha Dai Baḍhai,,
Gaddi Seva Pas Birajai, Shri Haridas Chhavi Atirajai,,
Ghanti Baje Bajat N Agai, Jhanki Parada Puni-Puni Lagai,,
Sone-Chandi Ke Sinhasan, Chhatr Lagi Moti Ki Latakan,,
Banke Tirachhe Sudhar Pujari, Tinaki Hu Chhavi Lage Pyari,,
Atar Phulel Lagay Sihavain, Gulab Jal Keshar Barasavai,,
Dudh-Bhat Nit Bhog Lagavain, Chhappan-Bhog Bhog Men Avain,,
Magasir Sudi Panchami Ai, So Bihar Panchami Kahai,,
Ai Bihar Panchami Jabate, Anand Utsav Hovain Tabate,,
Basant Panche Saj Basanti, Lagai Gulal Poshak Basanti,,
Holi Utsav Rang Barasavai, Udat Gulal Kumakuma Lavain,,
Phul Ḍol Baithe Piy Pyari, Kunj Viharin Kunj Bihari,,
Jugal Sarup Ek Murat Men, Lakhau Bihari Ji Murat Men,,
Shyam Sarup Hain Bankebihari, Amg Chamak Shri Radha Pyari,,
Ḍol-Ekadashi Ḍol Sajavain, Phul Phal Chhavi Chamakavain,,
Akhaitij Pai Charan Dikhavain, Dur-Dur Ke Premi Avain,,
Garmin Bhar Phulan Ke Bangala, Pataka Har Phulan Ke Jhangala,,
Shital Bhog, Phuharen Chalate, Gota Ke Pankha Nit Jhulate,,
Hariyali Tijan Ka Jhula, Badi Bhid Premi Man Phula,,
Janmashtami Mangala Arati, Sakhi Mudit Nij Tan-Man Varati,,
Nand Mahotsav Bhid Atut, Sava Prahar Kanchan Ki Lut,,
Lalita Chhath Utsav Sukhakari, Radha Ashtami Ki Chav Savari,,
Sharad Chandani Mukat Dharavain, Muralidhar Ke Darshan Pavain,,
Dip Divari Hatari Darshan, Nirakhat Sukh Pavai Premi Man,,
Mandir Hote Utsav Nit-Nit, Jivan Saphal Karen Premi Chit,,
Jo Koi Tumhen Prem Te Dhyaven, Soi Sukh Vanchhit Phal Pavain,,
Tum Ho Dinabandhu Braj-Nayak, Main Hun Din Suno Sukhadayak,,
Main Aya Tere Dvar Bhikhari, Kṛpa Karo Shri Bankebihari,,
Din Duahkhi Sankat Harate, Bhaktan Pai Anukampa Karate,,
Main Hun Sevak Nath Tumharo, Balak Ke Aparadh Bisaro,,
Mokun Jag Sankat Ne Gherau, Tum Bin Kaun Harai Dukh Merau,,
Vipada Te Prabhu Ap Bachaau, Kṛpa Karo Mokun Apanaau,,
Shri Ajñan Mand-Mati Bhari, Daya Karo Shri Banke Bihari,,
Banke Bihari Vinay Pachasa, Nity Padhai Pave Nij Asa,,
Padhai Bhav Te Nit Prati Gavain, Dukh Daridrata Nikat Nahi Avain,,
Dhan Parivar Baḍhain Vyapara, Sahaj Hoy Bhav Sagar Para,,
Kalayug Ke Thakur Rang Rate, Dur-Dur Ke Premi Ate,,
Darshan Kar Nij Hṛday Sihate, Asht-Sidhdi Nav Nidhi Sukh Pate,,
Mere Sab Dukh Haro Dayala, Dur Karo Maya Janjal,,
Daya Karo Mokun Apanaau, Kṛpa Bindu Man Men Barasaau,,
,,Doha,
Aisi Man Kar Deu Main, Nirakhun Shyam-Shyama,
Prem Bindu Dṛg Te Jharen, Vṛndavan Vishrama,,
Writer :- Traditional