॥ चौपाई ॥
श्री रघुबीर भक्त हितकारी।सुनि लीजै प्रभु अरज हमारी॥
निशि दिन ध्यान धरै जो कोई।ता सम भक्त और नहीं होई॥
ध्यान धरें शिवजी मन मांही।ब्रह्मा, इन्द्र पार नहीं पाहीं॥
दूत तुम्हार वीर हनुमाना।जासु प्रभाव तिहुं पुर जाना॥
जय, जय, जय रघुनाथ कृपाला।सदा करो संतन प्रतिपाला॥
तुव भुजदण्ड प्रचण्ड कृपाला।रावण मारि सुरन प्रतिपाला॥
तुम अनाथ के नाथ गोसाईं।दीनन के हो सदा सहाई॥
ब्रह्मादिक तव पार न पावैं।सदा ईश तुम्हरो यश गावैं॥
चारिउ भेद भरत हैं साखी।तुम भक्तन की लज्जा राखी॥
गुण गावत शारद मन माहीं।सुरपति ताको पार न पाहिं॥
नाम तुम्हार लेत जो कोई।ता सम धन्य और नहीं होई॥
राम नाम है अपरम्पारा।चारिहु वेदन जाहि पुकारा॥
गणपति नाम तुम्हारो लीन्हो।तिनको प्रथम पूज्य तुम कीन्हो॥
शेष रटत नित नाम तुम्हारा।महि को भार शीश पर धारा॥
फूल समान रहत सो भारा।पावत कोऊ न तुम्हरो पारा॥
भरत नाम तुम्हरो उर धारो।तासों कबहूं न रण में हारो॥
नाम शत्रुहन हृदय प्रकाशा।सुमिरत होत शत्रु कर नाशा॥
लखन तुम्हारे आज्ञाकारी।सदा करत सन्तन रखवारी॥
ताते रण जीते नहिं कोई।युद्ध जुरे यमहूं किन होई॥
महालक्ष्मी धर अवतारा।सब विधि करत पाप को छारा॥
सीता राम पुनीता गायो।भुवनेश्वरी प्रभाव दिखायो॥
घट सों प्रकट भई सो आई।जाको देखत चन्द्र लजाई॥
जो तुम्हरे नित पांव पलोटत।नवो निद्धि चरणन में लोटत॥
सिद्धि अठारह मंगलकारी।सो तुम पर जावै बलिहारी॥
औरहु जो अनेक प्रभुताई।सो सीतापति तुमहिं बनाई॥
इच्छा ते कोटिन संसारा।रचत न लागत पल की बारा॥
जो तुम्हरे चरणन चित लावै।ताकी मुक्ति अवसि हो जावै॥
सुनहु राम तुम तात हमारे।तुमहिं भरत कुल पूज्य प्रचारे॥
तुमहिं देव कुल देव हमारे।तुम गुरु देव प्राण के प्यारे॥
जो कुछ हो सो तुमहिं राजा।जय जय जय प्रभु राखो लाजा॥
राम आत्मा पोषण हारे।जय जय जय दशरथ के प्यारे॥
जय जय जय प्रभु ज्योति स्वरुपा।नर्गुण ब्रहृ अखण्ड अनूपा॥
सत्य सत्य जय सत्यव्रत स्वामी।सत्य सनातन अन्तर्यामी॥
सत्य भजन तुम्हरो जो गावै।सो निश्चय चारों फल पावै॥
सत्य शपथ गौरीपति कीन्हीं।तुमने भक्तिहिं सब सिधि दीन्हीं॥
ज्ञान हृदय दो ज्ञान स्वरुपा।नमो नमो जय जगपति भूपा॥
धन्य धन्य तुम धन्य प्रतापा।नाम तुम्हार हरत संतापा॥
सत्य शुद्ध देवन मुख गाया।बजी दुन्दुभी शंख बजाया॥
सत्य सत्य तुम सत्य सनातन।तुम ही हो हमरे तन-मन धन॥
याको पाठ करे जो कोई।ज्ञान प्रकट ताके उर होई॥
आवागमन मिटै तिहि केरा।सत्य वचन माने शिव मेरा॥
और आस मन में जो होई।मनवांछित फल पावे सोई॥
तीनहुं काल ध्यान जो ल्यावै।तुलसी दल अरु फूल चढ़ावै॥
साग पत्र सो भोग लगावै।सो नर सकल सिद्धता पावै॥
अन्त समय रघुबर पुर जाई।जहां जन्म हरि भक्त कहाई॥
श्री हरिदास कहै अरु गावै।सो बैकुण्ठ धाम को पावै॥
॥ दोहा ॥
सात दिवस जो नेम कर,पाठ करे चित लाय।
हरिदास हरि कृपा से,अवसि भक्ति को पाय॥
राम चालीसा जो पढ़े,राम चरण चित लाय।
जो इच्छा मन में करै,सकल सिद्ध हो जाय॥
लेखक :- Traditinoal
॥ chowpai ॥
shri raghubir bhakt hitakari.suni lijai prabhu araj hamari॥
nishi din dhyan dharai jo koi.ta sam bhakt owr nahin hoi॥
dhyan dharen shivaji man manhi.brahma, indr par nahin pahin॥
dut tumhar vir hanumana.jasu prabhav tihun pur jana॥
jay, jay, jay raghunath kṛpala.sada karo santan pratipala॥
tuv bhujadaṇḍ prachaṇḍ kṛpala.ravaṇ mari suran pratipala॥
tum anath ke nath gosain.dinan ke ho sada sahai॥
brahmadik tav par n pavain.sada ish tumharo yash gavain॥
chariu bhed bharat hain sakhi.tum bhaktan ki lajja rakhi॥
guṇ gavat sharad man mahin.surapati tako par n pahin॥
nam tumhar let jo koi.ta sam dhany owr nahin hoi॥
ram nam hai aparampara.charihu vedan jahi pukara॥
gaṇapati nam tumharo linho.tinako pratham pujy tum kinho॥
shesh raṭat nit nam tumhara.mahi ko bhar shish par dhara॥
phul saman rahat so bhara.pavat kou n tumharo para॥
bharat nam tumharo ur dharo.tason kabahun n raṇ men haro॥
nam shatruhan hṛday prakasha.sumirat hot shatru kar nasha॥
lakhan tumhare ajñakari.sada karat santan rakhavari॥
tate raṇ jite nahin koi.yuddh jure yamahun kin hoi॥
mahalakshmi dhar avatara.sab vidhi karat pap ko chhara॥
sita ram punita gayo.bhuvaneshvari prabhav dikhayo॥
ghaṭ son prakaṭ bhai so ai.jako dekhat chandr lajai॥
jo tumhare nit panv paloṭata.navo niddhi charaṇan men loṭata॥
siddhi aṭharah mangalakari.so tum par javai balihari॥
owrahu jo anek prabhutai.so sitapati tumahin banai॥
ichchha te koṭin samsara.rachat n lagat pal ki bara॥
jo tumhare charaṇan chit lavai.taki mukti avasi ho javai॥
sunahu ram tum tat hamare.tumahin bharat kul pujy prachare॥
tumahin dev kul dev hamare.tum guru dev praṇ ke pyare॥
jo kuchh ho so tumahin raja.jay jay jay prabhu rakho laja॥
ram atma poshaṇ hare.jay jay jay dasharath ke pyare॥
jay jay jay prabhu jyoti svarupa.narguṇ brahṛ akhaṇḍ anupa॥
saty saty jay satyavrat svami.saty sanatan antaryami॥
saty bhajan tumharo jo gavai.so nishchay charon phal pavai॥
saty shapath gowripati kinhin.tumane bhaktihin sab sidhi dinhin॥
jñan hṛday do jñan svarupa.namo namo jay jagapati bhupa॥
dhany dhany tum dhany pratapa.nam tumhar harat santapa॥
saty shuddh devan mukh gaya.baji dundubhi shankh bajaya॥
saty saty tum saty sanatana.tum hi ho hamare tan-man dhana॥
yako paṭh kare jo koi.jñan prakaṭ take ur hoi॥
avagaman miṭai tihi kera.saty vachan mane shiv mera॥
owr as man men jo hoi.manavanchhit phal pave soi॥
tinahun kal dhyan jo lyavai.tulasi dal aru phul chadhavai॥
sag patr so bhog lagavai.so nar sakal siddhata pavai॥
ant samay raghubar pur jai.jahan janm hari bhakt kahai॥
shri haridas kahai aru gavai.so baikuṇṭh dham ko pavai॥
॥ doha ॥
sat divas jo nem kar,paṭh kare chit laya.
haridas hari kṛpa se,avasi bhakti ko paya॥
ram chalisa jo padhe,ram charaṇ chit laya.
jo ichchha man men karai,sakal siddh ho jaya॥
Writer :- Traditional