Close Menu
Subscribe :

Hanuman Chalisa
Song

Hanuman Chalisa

Madhavi Latha, Shankar Sahney • Hanuman Chalisa • 2026 • 00:07:19 • Devotional
Artist (Click to view all assets)
Madhavi Latha, Shankar Sahney

Lyrics

Hanuman Chalisa • Madhavi Latha, Shankar Sahney

F: -अतुलितबलधामं हेमशैलाभदेहं दनुजवनकृशानुं ज्ञानिनामग्रगण्यम् ।

सकलगुणनिधानं वानराणामधीशं रघुपतिप्रियभक्तं वातात्मजं नमामि ॥

गोष्पदी- कृत- वारीशं मशकी- कृत- राक्षसम् ।

रामायण- महामाला- रत्नं वन्देऽनिलात्मजम्

यत्र यत्र रघुनाथकीर्तनं तत्र तत्र कृतमस्तकांजलिम्

वाष्पवारिपरिपूर्णालोचनं मारुतिं नमत राक्षसान्तकम्

मारुतिं नमत राक्षसान्तकम मारुतिं नमत राक्षसान्तकम

M: -श्रीगुरु चरन सरोज रज, निज मनु मुकुरु सुधारि !

बरनऊं रघुबर बिमल जसु, जो दायकु फल चारि !!

बुद्धिहीन तनु जानिके, सुमिरौं पवन-कुमार !

बल बुद्धि बिद्या देहु मोहिं, हरहु कलेस बिकार !!

जय हनुमान ज्ञान गुन सागर जय कपीस तिहुं लोक उजागर॥

रामदूत अतुलित बल धामा अंजनि-पुत्र पवनसुत नामा ॥1॥

महाबीर बिक्रम बजरंगी कुमति निवार सुमति के संगी ॥2॥

कंचन बरन बिराज सुबेसा कानन कुंडल कुंचित केसा ॥3॥

हाथ बज्र औ ध्वजा बिराजै कांधे मूंज जनेऊ साजै॥4॥

संकर सुवन केसरीनंदन तेज प्रताप महा जग बन्दन ॥5॥

विद्यावान गुनी अति चातुर राम काज करिबे को आतुर ॥6॥

प्रभु चरित्र सुनिबे को रसिया राम लखन सीता मन बसिया ॥7॥

सूक्ष्म रूप धरि सियहिं दिखावा बिकट रूप धरि लंक जरावा ॥8॥

भीम रूप धरि असुर संहारे रामचंद्र के काज संवारे ॥9॥

लाय सजीवन लखन जियाये श्रीरघुबीर हरषि उर लाये ॥10॥

F/M: -जय हनुमान ज्ञान गुन सागर जय कपीस तिहुं लोक उजागर॥

जय हनुमान जय बजरंगी जय हनुमान जय बजरंगी

M: -रघुपति कीन्ही बहुत बड़ाई तुम मम प्रिय भरतहि सम भाई ॥11॥

सहस बदन तुम्हरो जस गावैं अस कहि श्रीपति कंठ लगावैं ॥12॥

सनकादिक ब्रह्मादि मुनीसा नारद सारद सहित अहीसा ॥13॥

जम कुबेर दिगपाल जहां ते कबि कोबिद कहि सके कहां ते ॥14॥

तुम उपकार सुग्रीवहिं कीन्हा राम मिलाय राज पद दीन्हा ॥15॥

तुम्हरो मंत्र बिभीषन माना लंकेस्वर भए सब जग जाना ॥16॥

जुग सहस्र जोजन पर भानू लील्यो ताहि मधुर फल जानू ॥17॥

प्रभु मुद्रिका मेलि मुख माहीं जलधि लांघि गये अचरज नाहीं ॥18॥

F/M: -जय हनुमान ज्ञान गुन सागर जय कपीस तिहुं लोक उजागर॥

जय हनुमान जय बजरंगी जय हनुमान जय बजरंगी

M: -दुर्गम काज जगत के जेते सुगम अनुग्रह तुम्हरे तेते ॥19॥

राम दुआरे तुम रखवारे होत न आज्ञा बिनु पैसारे ॥20॥

सब सुख लहै तुम्हारी सरना तुम रक्षक काहू को डर ना ॥21॥

आपन तेज सम्हारो आपै तीनों लोक हांक तें कांपै ॥22॥

भूत पिसाच निकट नहिं आवै महाबीर जब नाम सुनावै ॥23॥

नासै रोग हरै सब पीरा जपत निरंतर हनुमत बीरा ॥24॥

संकट तें हनुमान छुड़ावै मन क्रम बचन ध्यान जो लावै ॥25॥

सब पर राम तपस्वी राजा तिन के काज सकल तुम साजा ॥26॥

F/M: -जय हनुमान ज्ञान गुन सागर जय कपीस तिहुं लोक उजागर॥

जय हनुमान जय बजरंगी जय हनुमान जय बजरंगी

M: -और मनोरथ जो कोई लावै सोइ अमित जीवन फल पावै ॥27॥

चारों जुग परताप तुम्हारा है परसिद्ध जगत उजियारा ॥28॥

साधु-संत के तुम रखवारे असुर निकंदन राम दुलारे ॥29॥

अष्ट सिद्धि नौ निधि के दाता अस बर दीन जानकी माता ॥30॥

राम रसायन तुम्हरे पासा सदा रहो रघुपति के दासा ॥31॥

तुम्हरे भजन राम को पावै जनम-जनम के दुख बिसरावै ॥32॥

अन्तकाल रघुबर पुर जाई जहां जन्म हरि-भक्त कहाई ॥33॥

और देवता चित्त न धरई हनुमत सेइ सर्ब सुख करई ॥34॥

F/M: -जय हनुमान ज्ञान गुन सागर जय कपीस तिहुं लोक उजागर॥

जय हनुमान जय बजरंगी जय हनुमान जय बजरंगी

M: -संकट कटै मिटै सब पीरा जो सुमिरै हनुमत बलबीरा ॥35॥

जै जै जै हनुमान गोसाईं कृपा करहु गुरुदेव की नाईं ॥36॥

जो सत बार पाठ कर कोई छूटहि बंदि महा सुख होई ॥37॥

जो यह पढ़ै हनुमान चालीसा होय सिद्धि साखी गौरीसा ॥38॥

तुलसीदास सदा हरि चेरा कीजै नाथ हृदय मंह डेरा ॥39॥

पवन तनय संकट हरन, मंगल मूरति रूप।

राम लखन सीता सहित, हृदय बसहु सुर भूप॥

जय जय वीर बजरंगी हर हर महादेव जय श्री राम

लेखक :- Traditional

Official Music Video

Hanuman Chalisa

Open in YouTube

Credits

Song Title Hanuman Chalisa
Album Hanuman Chalisa
Main Vocalist / Singer Madhavi Latha, Shankar Sahney
Music Composer Shankar Sahney
Lyricist / Writer Traditional
Genre Devotional
Mood / Devotion Hanuman Ji
Festival Regular
Audio Quality Studio Vocal Recording
Record Label ViaNet Media Pvt. Ltd.
Link copied to clipboard!
Bajrang Baan-Lofi
Pawan Sharma (Pawan Brijwasi)
0:00 0:03:40